|
|
 |
| (GMT+08:00)
2007-08-27 16:42:26
|
 |
|
ຈີນຈະປະຕິຮູບລະບຽບການສັບຊ້ອນການຜະລິດໄຟຟ້າ
cri
ຕາມຂ່າວCRI, ວັນທີ27ສິງຫານີ້,ຄະນະກຳມະການການພັດທະນາແລະການປະຕິຮູບແຫ່ງລັດຈີນແຈ້ງຂ່າວວ່າ,ຈີນຈະປະຕິຮູບລະບຽບການສັບຊ້ອນການຜະລິດໄຟຟ້າເພື່ອຊຸກຍູ້ການປະຢັດພະລັງງານແລະຫຼຸດຜ່ອນການລະບາຍມົນລະພິດ.
ລະບຽບການສັບຊ້ອນການຜະລິດໄຟຟ້າຂອງຈີນໃນປັດຈຸບັນແມ່ນແບ່ງປັນຈຳນວນຊົ່ວໂມງການຜະລິດໄຟຟ້າທີ່ສະເລ່ຍຕາມໜ່ວຍຈັກຜະລິດໄຟຟ້າ.ເມື່ອດຳເນີນການປະຕິຮູບແລ້ວ,ຈະຖືການຮັບປະກັນການສະໜອງໄຟຟ້າໃຫ້ພຽງພໍເປັນປັດໄຈພື້ນຖານ,ສັບຊ້ອນໃຫ້ຜະລິດໄຟຟ້າດ້ວຍພະລັງງານທີ່ສະອາດຄືພະລັງລົມ,ພະລັງຕາເວັນແລະພະລັງທະເລກ່ອນ.ສຳລັບໜ່ວຍຈັກຜະລິດໄຟຟ້າດ້ວຍແຮງໄຟ,ຈະສັບຊ້ອນການຜະລິດຕາມລະດັບສິ້ນເປືອງຖ່ານຫີນ,ໜ່ວຍຈັກທີ່ສິ້ນເປືອງຖ່ານຫີນໜ້ອຍ,ຈະໃຫ້ເປີດຈັກຜະລິດໄຟຟ້າຫຼາຍແລະຜະລິດຢ່າງເຕັມທີ່,ໜ່ວຍຈັກທີ່ສິ້ນເປືອງຖ່ານຫີນຫຼາຍ,ຈະໃຫ້ຜະລິດໄຟຟ້າໜ້ອຍຫຼືບໍ່ເປີດຈັກຜະລິດ.
ຕາມການຄິດໄລ່ວ່າ,ພາຍຫຼັງປະຕິບັດລະບຽບການສັບຊ້ອນການຜະລິດໄຟຟ້າເພື່ອປະຢັດພະລັງງານຢ່າງຮອບດ້ານແລ້ວ,ເມື່ອຮອດປີ2010,ແຕ່ລະປີຈະສາມາດປະຢັດຖ່ານຫີນປະມານ90ລ້ານໂຕນ,ຫຼຸດການລະບາຍກາກບອນດີອອກຊິດ216ລ້ານໂຕນ,ຊຸນເຟີດີອອກຊິດ2ລ້ານ2ແສນໂຕນ.
|
|
|
