|
|
 |
| (GMT+08:00)
2007-08-27 16:59:13
|
 |
|
ຜູ້ນຳສາມຝ່າຍຂອງອີຣັກເຫັນດີພະຍາຍາມຊຸກຍູ້ຄວາມປອງດອງຊາດ
cri
Author: shuo
ຕາມຂ່າວສານຊິນຮວາ:ຕອນຄ່ຳວັນທີ26ສິງຫານີ້,ຫ້ອງການຈາລານ ທາລາບານີ ປະທານາທິບໍດີອີຣັກອອກຖະແຫຼງການວ່າ,ຜູ້ນຳຂອງຝ່າຍຊີອະ ຊຸນິແລະຊາວເຄິດເປັນເອກະສັນກັນເຫັນດີຈະພະຍາຍາມແກ້ໄຂຄວາມຂັດແຍ່ງ,ຊຸກຍູ້ໃຫ້ເກີດຄວາມປອງດອງແຫ່ງຊາດ.
ຖະແຫຼງການຂຽນວ່າ,ພາຍຫຼັງຈັດກອງປະຊຸມຕ່າງໆແລ້ວ,ຜູ້ນຳຂອງຝ່າຍຕ່າງໆຕົກລົງ ວ່າຈະພະຍາຍາມຊອກຫາວິທີແກ້ໄຂວິກິດການດ້ານການເມືອງແລະຄວາມປອດໄພຂອງອີຣັກ,ເຫັນດີບໍ່ຈຳກັດອະດີດສະມາຊິກຂອງພັກຟື້ນຟູສັງຄົມອາລາບເຮັດວຽກໃນລັດຖະບານ,ແລະເຫັນດີຈັດການເລືອກຕັ້ງຂັ້ນແຂວງ,ແລະຊ່ວຍກອງປະກອບອາວຸດລະງັບເຫດການປະທະກັນແບບນອງເລືອດ.
ພາຍຫຼັງອອກຖະແຫຼງການແລ້ວ,ທ່ານໂນຣີ ອານ ມາລີຄີ ນາຍົກລັດຖະມົນຕີ ທ່ານຈາລານ ທາລາບານີ ປະທານາທິບໍດີອີຣັກ ທ່ານທາຣິກ ອານ ຮາເຊມີ ຮອງປະທານາທິບໍດີທີ່ສັງກັດຝ່າຍຊຸນິ ທ່ານອາເດນ ອາບດູນ ມາຣດີ ຮອງປະທານາທິບໍດີທີ່ສັງກັດຝ່າຍຊີອະແລະທ່ານມາຊົດ ບາຈານີ ຜູ້ນຳເຂດປົກຄອງຕົນເອງຊາວເຄິດທີ່ພາກເໜືອອີຣັກໄດ້ປະກົດຕົວຢູ່ໂທລະພາບພ້ອມກັນ,ເຊິ່ງເປັນເລື່ອງເຫັນຍາກ.
ໃນມື້ດຽວກັນ,ທຳນຽບຂາວອາເມລິກາອອກຖະແຫຼງການ,ສະແດງຄວາມຊົມເຊີຍຕໍ່ຜູ້ນຳ ສາມຝ່າຍຂອງອີຣັກທີ່ເປັນເອກະສັນກັນພະຍາຍາມແກ້ໄຂຄວາມຂັດແຍ່ງກັນແລະບັນລຸ ຄວາມປອງດອງແຫ່ງຊາດ,ແລະເຫັນວ່າ,ນີ້ແມ່ນຂີດໝາຍສຳຄັນອັນໜຶ່ງທີ່ສາມຝ່າຍຂອງອີຣັກກຽມດຳເນີນການຮ່ວມມືກັນ.
|
|
|
