|
|
 |
| (GMT+08:00)
2007-08-29 14:20:56
|
 |
|
ຜູ່ນຳອິສຣາແອນປາເລັສຕິນພົບປະເຈລະຈາກັນກ່ຽວກັບບັນຫາພື້ນຖານ
cri
ຕາມຂ່າວສານຊິນຮວາ:ວັນທີ 28 ສິງຫານີ້,ທ່ານເອຮຸດ ໂອເມີດ ນາຍົກລັດຖະມົນຕີອິສະຣາແອນກັບທ່ານມາຣ໊ມຸດ ອັບບາສ ປະທານອົງການອຳນາດແຫ່ງຊາດປາເລັສຕິນໄດ້ພົບປະເຈລະຈາກັນຢູ່ທີ່ເຢຣູຊາເລັມ,ແລະຫາລືບັນຫາອັພື້ນຖານກ່ຽວກັບການພົວພັນລະຫວ່າງອິສະຣາແອນກັບປາເລັສຕິນ.
ຫຼັງຈາກພົບປະເຈລະຈາກັນແລ້ວ,ທ່ານເດວິດ ເບກເກີ ໂຄສົກຫ້ອງການຂອງນາຍົກລັດຖະມົນຕີອິສະຣາແອນກ່າວວ່າ,ໃນການພົບປະເຈລະຈາເທື່ອນີ້,ສອງຝ່າຍໄດ້ກ່າວເຖິງບັນຫາທີ່ເປັນພື້ນຖານທີ່ຕ້ອງການແກ້ໄຂເຊິ່ງສາມາດບັນລຸການສ້າງຕັ້ງສອງປະເທດທີ່ເຮັດໃຫ້ປະຊາຊົນອິສຣາແແອນປາເລັສຕິນຄົງຕົວຢູ່ໄປຮ່ວມກັນໃນທີ່ສຸດ.ແຕ່ທ່ານບໍ່ໄດ້ເຜີຍໃຫ້ແຈ້ງຂໍ້ປີກຍ່ອຍອັນທີ່ວ່າບັນຫາພື້ນຖານຕື່ມອີກ.
ສື່ມວນຊົນອິສະຣາແອນລາຍງານວ່າ,ເນື້ອໃນຂອງການເຈລະຈາໄດ້ກ່ຽວພັນເຖິງບັນຫາໃຈກາງໃນການພົວພັນລະຫວ່າງອິສະຣາແອນກັບປາເລັສຕິນທີ່ຝ່າຍອິສະຣາແອນຫຼົບຫຼີກມາໂດຍຕະຫຼອດໃນເມື່ອກ່ອນເຊັ່ນ:ບັນຫາຊາຍແດນແລະບັນຫາເຢຣູຊາເລັມຂຶ້ນກັບໃຜເປັນຕົ້ນ,ນີ້ແມ່ນສອງຝ່າຍລົງເລິກຫາລືບັນຫາເຫຼົ່ານີ້ເປັນຄັ້ງທຳອິດ.
|
|
|
