ຕາມ​ຂ່າວCRI:ວັນ​ທີ29​ສິງຫາ​ນີ້,ຢູ່​ທີ່​ປັກ​ກິ່ງ,ທ່ານ​ມາ​ໄຂ ຫົວໜ້າ​ຄະນະ​ກຳມະການ​ພັດທະ​ນາ​ແລະ​ການປະຕິ​ຮູບ​ແຫ່ງ​ລັດ​ຈີນ​ກ່າວ​ວ່າ,ລັດຖະບານ​ຈີນ​ຈະ​ໃຊ້​ມາດ​ຕະການ​ຫຼາຍຢ່າງ,​​ເພື່ອ​ເຮັ​ດ​ໃຫ້​ລາຄາ​ໂດ​ຍລວມຂອງ​ສິນຄ້າໝັ້ນທ່ຽງ.

​ໂດຍ​ແນ​ໃສ່​​ແກ້​ໄຂບັນຫາ​ທີ່​ລາຄາ​ອາຫານ​ຖີບ​ສູງ​ຂຶ້ນອ່າວ​ຫຼາຍໃນ​ປະຈຸ​ບັນ,ທ່ານ​ມາ​ໄຂ​ກ່າວ​ວ່າ,ລັດຖະບານ​ຈີນ​ຈະ​ເພີ່ມ​ທະວີ​ການ​ສັບ​ຊ້ອນການ​ຂົນ​ສົ່ງ ດັດສົມການ​ຄ້າຂາ​ເຂົ້າ​ແລະ​ການ​ສະໜອງສິນຄ້າ​ໃຫ້​ຕະຫຼາດ;​ຕິດຕາມ​ກວດກາ​ແລະ​ເຕືອນ​ໄພ​​ໃຫ້​ດີ​ຕໍ່​ລາ​ຄາ​ຂອງ​ທັນ​ຍາ​ຫານຕ່າງໆ ​ເຊັ່ນ ​ເຂົ້າ ນ້ຳມັນພືດ ຊີ້ນ​ ​ໄຂ່​​ແລະ​ນົມ​ເປັນ​ຕົ້ນ,​ປັບ​ປຸງ​ກົນ​ໄກ​ຮັບ​ມື​ລາ​ຄາ​ສິນ​ຄ້າ​ໂດຍ​ດ່ວນ;​ເພີ່ມ​ຄວາມ​ແຮງ​ໃນ​ການ​ຕິດ​ຕາມ​ຄຸ້ມ​ຄອງ​ລາ​ຄາ,​ເດັດດ່ຽວ​ຕ້ານ​ການ​ກົ່ງ​ລາຄາຫຼື ​ເປັນ​ໃຈ​ກັນ​ຂຶ້ນ​ລາ​ຄາ​ເປັນ​ຕົ້ນ;​ປະ​ຕິ​ບັດ​ນະ​ໂຍ​ບາຍ​ອຸດ​ໜູນ​ຜູ້​ມີ​ລາຍ​ໄດ້​ຕ່ຳ​ໃນ​ຕົວ​ເມືອງ​ແລະ​ນັກຮຽນ​ຜູ້​ຄອບ​ຄົວ​ມີ​ຄວາມ​ຫຍຸ້ງ​ຍາກ​ນັ້ນ​ໃຫ້​ດີ.

ນອກ​ນີ້,ທ່ານ​ມາ​ໄຂ​​ແນະນຳ​ວ່າ​,ຫົກ​ເດືອນ​ຕົ້ນ​ປີ​ນີ້,GDP​ຂອງ​ຈີນ​ໄດ້​ເພີ່​ມຂຶ້ນ11,5%,​ລາຍ​ໄດ້​ທາງ​ການ​ເງິນ​ຂອງ​ທົ່ວ​ປະ​ເທດ​​ໃນ7​ເດືອນ​ທຳ​ອິດ​ປີ​ນີ້​ໄດ້​ເພີ່ມ​ຂຶ້ນ​30%​ຂຶ້ນ​ໄປ​ເມື່ອ​ທຽບ​ໃສ່​ໄລ​ຍະ​ດຽວ​ກັນ​ຂອງ​ປີ2006.