|
ທ່ານນາງອູອີກ່າວເນັ້ນວ່າ, ຕ້ອງອອກແຮງຄ້ຳຊູແລະພັດທະນາແພດສາດແລະຢາພື້ນເມືອງຈີນຢ່າງໝັ້ນໜຽວບໍ່ປ່ຽນແປງ
cri
ຕາມຂ່າວສານຊິ່ນຮວາ: ວັນທີ 30 ສິງຫານີ້, ຢູ່ທີ່ປັກກິ່ງ, ທ່ານນາງອູອີ ຮອງນາຍົກລັດຖະມົນຕີຈີນກ່າວເນັ້ນວ່າ, ພາລະກິດແພດສາດແລະຢາພື້ນເມືອງຈີນກຳລັງເຂົ້າສູ່ໄລຍະໂອກາດພັດທະນາໃໝ່, ຕ້ອງອອກແຮງຄ້ຳຊູແລະພັດທະນາແພດສາດແລະຢາພື້ນເມືອງຈີນຢ່າງໝັ້ນໜຽວບໍ່ປ່ຽນແປງ.
ໃນການແຂ່ງຂັນຮອບສຸດທ້າຍຂອງກິດຈະກຳແຂ່ງຂັນເຕັກນິກການປິ່ນປົວແລະຢາພື້ນເມືອງຈີນໃນທົ່ວກອງທັບ, ທ່ານນາງອູອີກ່າວວ່າ, ຕ້ອງອອກແຮງຄ້ຳຊູແລະພັດທະນາແພດສາດແລະຢາພື້ນເມືອງຈີນ, ຕ້ອງເອົາໃຈໃສ່ນຳການສືບທອດແລະປະດິດຢາໃໝ່ໃຫ້ຫຼາຍກວ່າເກົ່າ, ໃນເວລາຮັກສາແລະເສີມຂະຫຍາຍທ່າແຮງທີ່ເປັນຈຸດພິເສດຂອງຢາພື້ນເມືອງຈີນ, ກໍຕັ້ງໜ້າຖອດຖອນເອົາໝາກຜົນພັດທະນາຂອງຢາຫຼວງແລະຢາຂອງປະເທດອື່ນໆ, ນຳໃຊ້ເຕັກນິກແລະພາຫະນະວິທະຍາສາດທັນສະໄໝຢ່າງເຕັມສ່ວນ, ເພີ່ມທະວີການຄົ້ນຄວ້າທາງວິທະຍາສາດ, ຊຸກຍູ້ປະດິດຄິດສ້າງທາງທິດສະດີແລະພຶດຕິກຳ.
ທ່ານນາງອູອີກ່າວວ່າ, ໃນຫຼາຍພັນປີມານີ້, ໃນຖານະເປັນພາຫະນະຕົ້ນຕໍເພື່ອຕ້ານພະຍາດແລະຮັກສາສຸຂະພາບ, ແພດສາດແລະຢາພື້ນເມືອງຈີນໄດ້ປະກອບສ່ວນອັນບໍ່ເສົ້າສູນໃນການແຜ່ເຊື້ອຂະຫຍາຍພັນແລະສ້າງຄວາມຈະເລີນຮຸ່ງເຮືອງຂອງຈີນ.
|
|
