|
|
 |
| (GMT+08:00)
2007-09-02 18:41:56
|
 |
|
ທ່ານຊາວກ່າງຊວນເດີນທາງໄປຮອດຟິລິບປິນເລີ່ມຢ້ຽມຢາມສັນຖະວະໄມຕີຢ່າງເປັນທາງການ
cri
ຕາມຂ່າວສານຊີນຮວາ: ໂດຍຕອບສະຫນອງຄຳເຊີນຂອງທ່ານເຮີໂມເກເນຟ.ແອບດາແນດ ລັດຖະມົນຕີວ່າການກະຊວງປ້ອງກັນປະເທດຟິລິບປິນ,ຕອນບ່າຍວັນທີ 2 ກນຍານີ້, ທ່ານຊາວກ່າງຊວນ ຮອງປະທານຄະນະກຳມະການການທະຫານສູນກາງຈີນ ທີ່ປຶກສາແຫ່ງລັດຈີນ ທັງເປັນລັດຖະມົມນຕີວ່າການກະຊວງປ້ອງກັນປະເທດຈີນພ້ອມດ້ວຍຄະນະໄດ້ເດີນທາງໄປຮອດສະຫນາມບິນສາກົນອາກີໂນຂອງມານີລາ, ເລີ່ມຢ້ຽມຢາມ ສັນຖະວະໄມຕີຕໍ່ຟິລິບປິນຢ່າງເປັນທາງການເປັນເວລາ 5 ມື້.
ທ່ານຊາວກ່າງຊວນຊີ້ອອກວ່າ, ຈີນກັບຟິລິບປິນລ້ວນແຕ່ປະເຊີນກັບຫນ້າທີ່ຕົວຈິງທີ່ປົກປັກຮັກສາສັນຕິພາບແລະຄວາມຫມັ້ນທ່ຽງ, ສະແຫວງຫາການພັດທະນາພ້ອມກັນ, ການຂະຫຍາຍການໄປມາຫາສູ່ກັນຢ່າງມີໄມຕີຈິດແລະການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງສອງລັດແລະສອງກອງທັບຈີນກັບຟິລິບປິນນັ້ນສອດຄ່ອງກັບຜົນປະໂຫຍດຂອງສອງຝ່າຍ.ທ່ານຊາວກ່າງຊວນຢ້ຽມຢາມຟິລິບປິນເທື່ອນີ້ໄດ້ຮັບຄວາມເອົາໃຈໃສ່ຢ່າງສູງຈາກລັດຖະບານແລະກອງທັບຟິລິບຟິນ,ໃນໄລຍະຢ້ຽມຢາມ, ທ່ານຊາວກ່າງຊວນຈະພົບປະກັບປະທານາທິບໍດີ ປະທານສະພາສູງແລະສະພາຕ່ຳ ແລະລັດຖະມົນຕີວ່າການກະຊວງປ້ອງກັນປະເທດຟິລິບປິນ,ທ່ານຍັງຈະໄປຢ້ຽມຢາມຖານທັບແລະສິ່ງກໍສ້າງຂອງກອງທັບຟິລິບປິນ.
|
|
|
