|
ລັດຖະມົນຕີວ່າການກະຊວງກະສິກຳຈີນກ່າວວ່າ ລະດັບຄວາມປອດໄພດ້ານຄຸນນະພາບຂອງຜະລິດຕະພັນກະສິກຳຈີນມີການຮັບປະກັນ
cri
Author: cai
ຕາມຂ່າວຈາກໜັງສືພິມ"ເຢີນມີນຢື້ປ້າວ":ຫວ່າງກ່ອນນີ້,ໃນເວລາໃຫ້ສຳພາດຕໍ່ນັກຂ່າວ,ທ່ານຊູ່ນເຈິ້ງໄຊ ລັດຖະມົນຕີວ່າການກະຊວງກະສິກຳຈີນກ່າວວ່າ,ລະດັບຄວາມປອດໄພດ້ານຄຸນນະພາບຂອງຜະລິດຕະພັນກະສິກຳຈີນມີການຮັບປະກັນໃນດ້ານກວມລວມ,ຜູ້ບໍລິໂພກໄວ້ວາງໃຈໄດ້.
ທ່ານຊູ່ນເຈິ້ງໄຊບອກວ່າ,ໃນບໍ່ເທົ່າໃດປີມານີ້,ຈີນໄດ້ສ້າງລະບຽບການກວດຄືນຄວາມປອດໄພດ້ານຄຸນນະພາບຂອງຜະລິດຕະພັນກະສິກຳແລະເຮັດໃຫ້ລະບຽບການນີ້ສົມບູນຂຶ້ນ,ອອກແຮງພັດທະນາຜະລິດຕະພັນກະສິກຳທີ່ບໍ່ມີສານເຄມີ.ຜະລິດຕະພັນກະສິກຳຂອງຈີນບໍ່ພຽງແຕ່ໄດ້ຕອບສະໜອງຄວາມຕ້ອງການພາຍໃນປະເທດເທົ່ານັ້ນ,ຫາກຍັງໄດ້ຮັບຄວາມເຫັນດີແລະຄວາມນິຍົມຊົມຊອບຈາກປະເທດນຳເຂົ້າອີກດ້ວຍ.ປະຈຸບັນ,ຜະລິດຕະພັນກະສິກຳຈີນໄດ້ສົ່ງອອກໄປຂາຍຢູ່ 210 ກວ່າປະເທດແລະເຂດແຄວ້ນໃນໂລກ.ເພື່ອຮັບປະກັນຄຸນນະພາບຂອງຜະລິດຕະພັນກະສິກຳທີ່ສົ່ງອອກ,ຈີນໄດ້ປະຕິບັດລະບຽບການຈົດທະບຽນຜະລິດຕະພັນສົ່ງອອກ,ກວດສອບຄຸນນະພາບແລະກວດກາພະຍາດຢູ່ທ້ອງຖິ່ນຜະລິດຢ່າງເຄັ່ງຄັດ,ເຮັດໃຫ້ການຜະລິດຜະລິດຕະພັນກະສິກຳເປັນແບບມາດຖານຕື່ມອີກ.
ຕາມສະຖິຕິ,ໃນ 4 ປີທີ່ຜ່ານມາ,ອັດຕາສອດຄ່ອງກັບມາດຖານຂອງອາຫານຈີນທີ່ສົ່ງອອກໄປຂາຍຢູ່ອາເມລິກາ ສະຫະພາບເອີລົບແລະຍີ່ປຸ່ນລ້ວນແຕ່ກາຍ 99%.
|
|
