|
ຮອງນາຍົກລັດຖະມົນຕີຈີນກ່າວວ່າ, ປະເທດຕ່າງໆຄວນຕັ້ງໜ້າຄົ້ນຫາຊ່ອງທາງອັນບັງເກີດຜົນເພື່ອເພີ່ມທະວີການຕິດຕາມຄຸ້ມຄອງຢຸກຢາໃນທົ່ວໂລກ
cri
ຕາມຂ່າວສານຊິ່ນຮວາ: ວັນທີ 2 ກັນຍານີ້, ຢູ່ທີ່ປັກກິ່ງ, ທ່ານນາງອູອີກ່າວວ່າ, ປະເທດຕ່າງໆຄວນຕັ້ງໜ້າຄົ້ນຫາຊ່ອງທາງອັນບັງເກີດຜົນເພື່ອເພີ່ມທະວີການຕິດຕາມຄຸ້ມຄອງຢຸກຢາໃນທົ່ວໂລກ, ພ້ອມກັນເຮັດໃຫ້ຕະຫຼາດຢຸກຢາສາກົນມີລະບຽບແບບແຜນ.
ທ່ານນາງອູອີແມ່ນໃຫ້ທັດສະນະດັ່ງກ່າວໃນພິທີໄຂກອງປະຊຸມວິທະຍາການຢາໂລກປີ 2007 ກໍຄືກອງປະຊຸມປະຈຳປີຂອງສະຫະພັນວິທະຍາການຢາສາກົນຄັ້ງທີ 67.
ທ່ານນາງອູອີຍັງກ່າວວ່າ, ໃນຂົງເຂດຢຸກຢາ, ປະເທດທີ່ໄດ້ພັດທະນາແລ້ວຄວນຊ່ອຍເຫຼືອປະເທດທີ່ພວມພັດທະນາໂດຍສະເພາະແມ່ນປະເທດດ້ອຍພັດທະນາຫຼາຍກວ່າເກົ່າ, ຕ້ອງບູລະນະການບໍລິການດ້ານວິທະຍາການຢາຂອງປະເທດຕ່າງໆໃນໂລກຢ່າງບໍ່ຢຸດຢັ້ງ, ເຮັດໃຫ້ຜູ້ເຈັບປ່ວຍໄດ້ຮັບການບໍລິການປິ່ນປົວຢ່າງສົມບູນແລະສະດວກກວ່າເກົ່າ, ເພີ່ມທະວີການຮ່ວມມືສາກົນໃນດ້ານການຄົ້ນຄວ້າຜະລິດຢຸກຢາຢ່າງຮອບດ້ານ, ໂດຍສະເພາະຕ້ອງສືບທອດແລະເສີມຂະຫຍາຍທ່າແຮງພິເສດຂອງຢາພື້ນເມືອງປະເທດຕ່າງໆ, ພະຍາຍາມເຮັດໃຫ້ຢຸກຢາສະໄໝໃໝ່ກັບຢາພື້ນເມືອງພັດທະນາໄປພ້ອມກັນ.
|
|
