|
|
 |
| (GMT+08:00)
2007-09-04 12:29:48
|
 |
|
ທ່ານນາງອາໂຣໂຢ ປະທານາທິບໍດີຟີລິບປິນພົບປະທ່ານຊາວກາງຊ່ວນ
cri
Author: cai
ຕາມຂ່າວສານຊີນຮວາ:ວັນທີ 3 ກັນຍານີ້,ຢູ່ມານີລາ,ທ່ານນາງໂກຼເຣຍ ມາກາພາການ ອາໂຣໂຢ ປະທານາທິບໍດີຟີລິບປິນໄດ້ພົບປະທ່ານພົນເອກຊາວກາງຊ່ວນ ຮອງປະທານຄະນະກຳມະການການທະຫານສູນກາງຈີນ ທີ່ປຶກສາແຫ່ງລັດທັງເປັນລັດຖະມົນຕີວ່າການກະຊວງປ້ອງກັນປະເທດຈີນທີ່ໄປຢ້ຽມຢາມ.
ທ່ານນາງອາໂຣໂຢກ່າວວ່າ,ລັດຖະບານຟີລິບປິນເອົາໃຈໃສ່ທີ່ສຸດນຳການຂະຫຍາຍການຮ່ວມມືກັບຈີນໃນຂົງເຂດຕ່າງໆ.ທ່ານກ່າວຢ້ຳວ່າ,ລັດຖະບານຟີລິບປິນປະຕິບັດນະໂຍບາຍຈີນດຽວຢ່າງເດັດດ່ຽວໜຽວແໜ້ນ,ເຄົາລົບຫຼັກໝັ້ນຂອງລັດຖະບານຈີນໃນບັນຫາໄຕ້ຫວັນ.
ທ່ານຊາວກາງຊ່ວນກ່າວວ່າ,ທ່ານນາງອາໂຣໂຢກັບທ່ານຫູຈີນທ່າວ ປະທານປະເທດຈີນໄດ້ຮ່ວມກັນກຳນົດຫຼັກການຊີ້ນຳການພົວພັນລະຫວ່າງສອງຝ່າຍຄືສ້າງການພົວພັນຮ່ວມມືຍຸດທະສາດທີ່ສຸມກຳລັງເຂົ້າໃນສັນຕິພາບແລະການພັດທະນາ,ອັນໄດ້ຊີ້ທິດຂະຫຍາຍການພົວພັນລະຫວ່າງສອງປະເທດຢ່າງຈະແຈ້ງ.ທ່ານຍັງໄດ້ສະແດງຄວາມຂອບອົກຂອບໃຈນຳລັດຖະບານຟີລິບປິນທີ່ຍຶດໝັ້ນນະໂຍບາຍຈີນດຽວໃນບັນຫາໄຕ້ຫວັນ,ຫວັງໃຫ້ລັດຖະບານຟີລິບປິນຮັກສາຄວາມລະມັດລະວັງຕໍ່ການເຄື່ອນໄຫວທີ່"ໃຫ້ໄຕ້ຫວັນເປັນເອກະລາດ",ສືບຕໍ່ສະໜັບສະໜູນພາລະກິດໂຮມປະເທດຊາດເຂົ້າເປັນເອກະພາບກັນໂດຍສັນຕິຂອງຈີນ.
ມື້ດຽວກັນ,ທ່ານຊາວກາງຊ່ວນຍັງໄດ້ແຍກອອກເຈລະຈາກັບທ່ານກິວເປີດ ເຕໂອໂດໂຣ ລັດຖະມົນຕີວ່າການກະຊວງປ້ອງກັນປະເທດແລະທ່ານໂຮເຊ ເດ ເວເນເຊຍ ປະທານສະພາຕ່ຳຟີລິບປິນ.
|
|
|
