|
ສະພາບການທີ່ຄວາມຕ້ອງການລວມກັບການສະໜອງລວມດຸນດ່ຽງກັນໃນຂັ້ນພື້ນຖານບໍ່ມີການປ່ຽນແປງ
cri
ຕາມຂ່າວ CRI: ວັນທີ 4 ກັນຍານີ້, ຢູ່ທີ່ປັກກິ່ງ, ທ່ານປີ້ຈິງຊວນ ຮອງຫົວໜ້າຄະນະກຳມະການການພັດທະນາແລະປະຕິຮູບແຫ່ງລັດຈີນກ່າວວ່າ, ເມື່ອສັງເກດຈາກສະພາບໝູນເດີນຂອງເສດຖະກິດຈີນໃນປະຈຸບັນແລ້ວ, ສະພາບການທີ່ຄວາມຕ້ອງການລວມກັບການສະໜອງລວມດຸນດ່ຽງກັນໃນຂັ້ນພື້ນຖານບໍ່ມີການປ່ຽນແປງ.
ໃນກອງປະຊຸມຖະແຫຼງຂ່າວທີ່ຈັດໂດຍຫ້ອງການຖະແຫຼງຂ່າວລັດຖະບານຈີນ, ທ່ານປີ້ຈິງຊວນກ່າວວ່າ, ປະຈຸບັນ, ຂົງເຂດຈຳນວນໜຶ່ງຂອງຈີນໄດ້ປະກົດມີສະພາບການທີ່ລາຄາແພງຂຶ້ນຍ້ອນການສະໜອງບໍ່ພຽງພໍ, ເຊັ່ນ ຊີ້ນໝູແລະອາຫານເປັນຕົ້ນ. ແຕ່ການລາຄາສິນຄ້າຍັງຢູ່ໃນຂອບເຂດຄວບຄຸມໄດ້, ບໍ່ໄດ້ປະກົດມີສະພາບການລາຄາແພງຂຶ້ນຮອບດ້ານແລະຕໍ່ເນື່ອງຍ້ອນຄວາມຕ້ອງການຫຼາຍກວ່າການສະໜອງ, ບໍ່ໄດ້ປະກົດໄພເງິນເຟີ້ທີ່ໜັກໜ່ວງ. ເມື່ອປັດໄຈທີ່ເຮັດໃຫ້ລາຄາແພງຂຶ້ນຍ້ອນໂຄງປະກອບບໍ່ມີເທດໄດ້ກຳຈັດແລ້ວ, ຈີນສາມາດຮັກສາລາຄາລວມໃຫ້ໝັ້ນທ່ຽງໃນຂັ້ນພື້ນຖານ.
ພ້ອມກັນນັ້ນ, ທ່ານປີ້ຈິງຊວນກ່າວວ່າ, ຈັງຫວະເຕີບໂຕຂອງເສດຖະກິດຈີນອ່າວໄວ, ມີຄວາມອາດເປັນໄປໄດ້ແລະຄວາມສ່ຽງທີ່ຈະຫັນເປັນໄວເກີນໄປ, ສະນັ້ນ, ຕ້ອງການສືບຕໍ່ດຳເນີນການດັດສົມມະຫາພາກ.
|
|
