|
|
 |
| (GMT+08:00)
2007-09-05 12:25:18
|
 |
|
ບໍລິສັດອາຊີຊື້ຊັບສິນຂອງອາເມລິກາສ້າງສະຖິຕິມູນຄ່າສູງໃໝ່
cri
Author: cai
ຕາມຂ່າວສານຊີນຮວາ:ວັນທີ 4 ກັນຍານີ້,ໜັງສືພິມ"ຟາຍແນນໂຊແທມສ໌"ຂອງອັງກິດນຳເອົາຂໍ້ມູນຂອງບໍລິສັດສຳຫຼວດຕະຫຼາດດີໂລຈິກມາລາຍງານວ່າ,ຄຽງຄູ່ກັບອົງກອນເສດຖະກິດທີ່ເຕີບໂຕຂຶ້ນໃໝ່ຈຳນວນໜຶ່ງຂອງອາຊີໄດ້ເຂັ້ມແຂງຂຶ້ນແລະອັດຕາແລກປ່ຽນເງິນໂດລາຕ່ຳລົງ,ນັບແຕ່ຕົ້ນປີນີ້ມາ,ນອກຈາກຍີ່ປຸ່ນແລ້ວ,ບໍລິສັດອາຊີຊື້ຊັບສິນຂອງອາເມລິກາ,ໄດ້ສ້າງສະຖິຕິມູນຄ່າຊື້ຂາຍໃໝ່.
ນັບແຕ່ຕົ້ນປີນີ້ມາ,ຍອດມູນຄ່າບໍລິສັດອາຊີຊື້ເອົາຊັບສິນຂອງອາເມລິກາໄດ້ບັນລຸເຖິງ 16 ຕື້ 100 ລ້ານໂດລາ,ຫຼາຍກວ່າມູນຄ່າ 3 ຕື້ 900 ລ້ານໂດລາໃນໝົດປີກາຍຢ່າງຫຼວງຫຼາຍ.ຕົວເລກດັ່ງກ່າວແມ່ນເພີ່ມຂຶ້ນຢ່າງວ່ອງໄວພາຍຫຼັງບໍລິສັດອາຊີໄດ້ຊື້ຂາຍກັນຢ່າງຫຼວງຫຼາຍຕໍ່ເນື່ອງກັນໃນຫວ່າງມໍ່ໆນີ້ແລ້ວ.ທ້າຍເດືອນສິງຫານີ້,ບໍລິສັດອາເຊີ(Acer)ຂອງໄຕ້ຫວັນຈີນປະກາດວ່າ,ຈະລົງທຶນ 710 ລ້ານໂດລາຊື້ເອົາບໍລິສັດເກດເວ(Gateway)ເຊິ່ງເປັນບໍລິສັດຜະລິດຄອມພິວເຕີຂອງອາເມລິກາ.
ຜູ້ຊົງຄຸນວຸດທິໃນວົງການເຫັນວ່າ,ສາເຫດທີ່ເຮັດໃຫ້ມູນຄ່າບໍລິສັດອາຊີຊື້ຊັບສິນຂອງອາເມລິກາເພີ່ມຂຶ້ນໄວປານນີ້ແມ່ນຍ້ອນບໍລິສັດເຫຼົ່ານີ້ໄດ້ຖືໂອກາດທີ່ເງິນໂດລາຕົກແລະອົງປະກອບອຸດສາຫະກຳຂອງສອງຝ່າຍຫຼຸດລື່ນກັນ.
|
|
|
