|
|
 |
| (GMT+08:00)
2007-09-05 16:30:28
|
 |
|
ຈີນຫວຽດນາມຕ້ອງພ້ອມກັນພະຍາຍາມຍົກການພົວພັນລະຫວ່າງສອງປະເທດໃຫ້ສູງຂຶ້ນຮອດລະດັບໃຫມ່
cri
ຕາມຂ່າວສານຊິນຮວາ,ວັນທີ 4 ກັນຍານີ້,ຢູ່ທີ່ປັກກິ່ງ,ທ່ານເຮີ້ກົວະຊຽງ ກຳມະການກົມການເມືອງສູນກາງພັກກອມມູນິດຈີນຊຶ່ງເປັນພັກກຳອຳນາດຂອງຈີນໄດ້ກ່າວວ່າ,ຈີນກັບຫວຽດນາມຕ້ອງພະຍາຍາມພ້ອມກັນ,ຍົກການພົວພັນລະຫວ່າງສອງປະເທດໃຫ້ສູງຂຶ້ນຮອດລະດັບໃຫມ່ຢ່າງບໍ່ຢຸດຢັ້ງ.
ໃນເວລາພົບປະທ່ານເຈື່ອງຕັ່ນສາງ ກຳມະການກົມການເມືອງສູນກາງພັກກອມມູນິດຫວຽດນາມນັ້ນ,ທ່ານເຮີ້ກົວະຊຽງກ່າວວ່າ,ສອງພັກລັດຈີນຫວຽດນາມໄດ້ມີມິດຕະພາບອັນເປັນມູນເຊື້ອຢ່າງເລິກເຊິ່ງແລະມີຜົນປະໂຫຍດຮ່ວມຢ່າງກວ້າງຂວາງ,ພາລະກິດປະຕິຮູບໄຂປະຕູສູ່ພາຍນອກແລະການປ່ຽນແປງໃຫມ່ຂອງສອງປະເທດໃນສະເພາະຫນ້ານີ້ພວມກ້າວເຂົ້າສູ່ໄລຍະອັນຫົວລ້ຽວຫົວຕໍ່ໃນການລົງເລິກພັດທະນາ,ພວມປະເຊີນກັບຫຼາຍໂອກາດໃຫມ່ແລະການທ້າທາຍໃຫມ່,ຕ້ອງການໃຫ້ສອງຝ່າຍຮ່ຳຮຽນນຳກັນ ຮ່ວມມືກັນຢ່າງເລິກເຊິ່ງແລະພ້ອມກັນພະຍາຍາມ,ຍົກການພົວພັນໄມຕິຈິດທີ່ເປັນບ້ານໃກ້ເຮືອນຄຽງແລະການຮ່ວມມືຮອບດ້ານລະຫວ່າງຈີນກັບຫວຽດນາມໃຫ້ສູງຂຶ້ນຮອດລະດັບໃຫມ່ຢ່າງບໍ່ຢຸດຢັ້ງ.
ທ່ານເຈື່ອງຕັ່ນສາງກ່າວວ່າ,ຝ່າຍຫວຽດນາມໄດ້ເອົາໃຈໃສ່ທີ່ສຸດນຳການຄົ້ນຄວ້າແລະຖອດຖອນເອົາບົດຮຽນອັນປະເສີດຂອງຈີນໃນການພັດທະນາ,ພັກແລະລັດຖະບານຫວຽດນາມຍິນດີພ້ອມກັນກັບຈີນທຳຄວາມພະຍາຍາມ,ບັນລຸຄວາມປາຖະຫນາອັນດີງາມຂອງສອງລັດແລະປະຊາຊົນສອງປະເທດຄືເປັນປະເທດໃກ້ຄຽງ ເພື່ອນມິດສະຫາຍແລະຫມູ່ຄູ່ທີ່ດີຕໍ່ກັນຈົນເທົ່າໃດໆ .
|
|
|
