|
ບົດລາຍງານຂອງລັດຖະສະພາອາເມລິກາກ່າວວ່າ, ອີຣັກບໍ່ໄດ້ບັນລຸຄາດໝາຍສ່ວນຫຼາຍທີ່ອາເມລິກາວາງອອກ
cri
Author: m
ຕາມຂ່າວ CRI: ວັນທີ 4 ກັນຍານີ້, ບົດລາຍງານສະບັບໜຶ່ງທີ່ກົມສືບຫາຄວາມຮັບຜິດຊອບທີ່ຂຶ້ນກັບລັດຖະສະພາອາເມລິກາປະກາດກ່າວວ່າ, ໃນຄາດໝາຍດ້ານການເມືອງ, ເສດຖະກິດແລະຄວາມໝັ້ນຄົງທີ່ລັດຖະສະພາອາເມລິກາວາງໃຫ້ອີຣັກໃນເດືອນພຶດສະພາປີນີ້, ລັດຖະບານອີຣັກມີແຕ່ບັນລຸ 3 ຄາດໝາຍ, 4 ຄາດໝາຍບັນລຸແບບບໍ່ຄົບຖ້ວນ, ອີກ 11 ຄາດໝາຍບໍ່ໄດ້ບັນລຸ. ກົມດັ່ງກ່າວຍັງກ່າວວ່າ, ແຜນການເພີ່ມເຕີມທະຫານຢູ່ອີຣັກທີ່ລັດຖະບານບຸສປະຕິບັດແຕ່ຕົ້ນປີນີ້ມີຈຸດປະສົງເພື່ອຫຼຸດການປະທະກັນດ້ວຍກຳລັງຮຸນແຮງຢູ່ອີຣັກ, ແຕ່ນັບມາຮອດປະຈຸບັນ, ບໍ່ໄດ້ບັງເກີດຜົນ, ເຫດການຫຼອນໂຈມຕີແນໃສ່ສາມັນຊົນບໍ່ໄດ້ຫຼຸດໜ້ອຍລົງ.
ນອກນີ້, ຂ່າວແຈ້ງອີກວ່າ, ວັນທີ 4 ກັນຍານີ້, ຢູ່ບຸຍກາແລັດ ນະຄອນຫຼວງລູມານີ, ທ່ານດາວິດ ມິລີບັນດ ລັດຖະມົນຕີວ່າການກະຊວງການຕ່າງປະເທດອັງກິດທີ່ໄປຢ້ຽມຢາມຢູ່ລູມານີກ່າວວ່າ, ເມື່ອສັງເກີດຈາກສະພາບການຂອງອີຣັກໃນປະຈຸບັນແລ້ວ, ອັງກິດຈະໃຫ້ທະຫານປະຈຳຢູ່ອີຣັກຕໍ່ໄປ. ມື້ດຽວກັນ, ຢູ່ຊິດນີ, ທ່ານໂຈນ ໂຮວັດ ນາຍົກລັດຖະມົນຕີອົສຕຼາລີກ່າວວ່າ, ກ່ອນໄດ້ຮັບປະກັນວ່າຄວາມສາມາດຄຸ້ມຄອງຕົນເອງຂອງປະຊາຊົນອີຣັກໄດ້ມີການຍົກສູງຂຶ້ນໃນທາດແທ້ແລ້ວ, ປະຈຸບັນ, ອົສຕຼາລີຈະບໍ່ພິຈາລະນາຫຼຸດຈຳນວນທະຫານປະຈຳຢູ່ອີຣັກ.
|
|
