|
ຈີນພະຍາຍາມແກ້ໄຂບັນຫາຊາວກະສິກອນອອກເດີນທາງຍາກ
cri
ຕາມຂ່າວ CRI: ວັນທີ 7 ກັນຍານີ້, ນັກຂ່າວໄດ້ຮັບຊາບຈາກກະຊວງຄົມມະນາຄົມຈີນວ່າ, ໃນຫຼາຍປີມານີ້, ຈີນໄດ້ເພີ່ມທະວີການລົງທຶນຢ່າງບໍ່ຢຸດຢັ້ງ, ພະຍາຍາມແກ້ໄຂບັນຫາອອກເດີນທາງຍາກຢູ່ຊົນນະບົດ. ນັບມາຮອດປະຈຸບັນ, ທາງຫຼວງຊົນນະບົດຈີນລວມທັງໝົດໄດ້ລື່ນກາຍ 3 ລ້ານກິໂລແມັດແລ້ວ.
ສະຖິຕິຂອງກະຊວງຄົມມະນາຄົມຈີນສະແດງໃຫ້ເຫັນວ່າ, ປີ 2006, ຈີນໄດ້ສ້າງແລະແປງທາງຫຼວງຍາວ 3 ແສນ 2 ໝື່ນກິໂລແມັດ, ເຮັດໃຫ້ 30 ລ້ານຄົນໄດ້ຮັບຄວາມສະດວກ. ນອກນັ້ນ, ປີກາຍນີ້, ຈີນຍັງໄດ້ເພີ່ມທະວີການລົງທຶນກໍ່ສ້າງສະຖານີລົດເມຢູ່ຊົນນະບົດ, ບ້ານບໍລິຫານຫຼາຍກວ່າ 80% ມີລົດເມແລ່ນໄປຮອດແລ້ວ.
ປີນີ້, ຈີນຈະສືບຕໍ່ເພີ່ມທະວີການລົງທຶນສ້າງທາງຫຼວງຊົນນະບົດ, ຈະສ້າງແລະແປງທາງຫຼວງຊົນນະບົດຍາວ 3 ແສນກິໂລແມັດ.
|
|
