|
ກຳປູເຈຍເລີ່ມຕົ້ນຂະບວນການສ້າງຕະຫຼາດຫຼັກຊັບຢ່າງເປັນທາງການ
cri
ຕາມຂ່າວສານຈີນ: ກຳປູເຈຍຈະສ້າງຕະຫຼາດຫຼັກຊັບໃນ 6 ເດືອນທ້າຍປີ 2009, ວັນທີ 6 ກັນຍານີ້, ກຳປູເຈຍໄດ້ເລີ່ມຕົ້ນວຽກງານສ້າງຕະຫຼາດຫຼັກຊັບຢ່າງເປັນທາງການ, ແລະຈະຮ່ວມມືກັບຕະຫຼາດຊື້ຂາຍຫຼັກຊັບຊຽງໄຮ້ຂອງຈີນ.
ທ່ານຮຸນເຊນ ນານົກລັດຖະມົນຕີກຳປູເຈຍກ່າວວ່າ, ກຳປູເຈຍສ້າງຕະຫຼາດຫຼັກຊັບມີຈຸດປະສົງເພື່ອສະໜອງຊ່ອງທາງລົງທຶນຫຼາຍຢ່າງໃຫ້ຜູ້ລົງທຶນຂອງກຳປູເຈຍແລະຕ່າງປະເທດ, ເພື່ອຊຸກຍູ້ເສດຖະກິດກຳປູເຈຍພັດທະນາຢ່າງວ່ອງໄວ.
ທ່ານກຽດສຸ້ນ ລັດຖະມົນຕີກະຊວງເສດຖະກິດແລະການເງິນກຳປູເຈຍກ່າວວ່າ, ກຳປູເຈຍພວມສ້າງແລະບູລະນະກົດໝາຍແລະກົນໄກທີ່ກ່ຽວຂ້ອງ, ເພື່ອຮັບປະກັນຕະຫຼາດຫຼັກຊັບທີ່ຈະສ້າງຕັ້ງຂຶ້ນສາມາດໝູນເດີນຢ່າງເປີດເຜີຍ, ປອດໃສ, ແລະມີປະສິດທິພາບສູງ. ທ່ານກ່າວວ່າ, ຮ່າງກົດໝາຍທີ່ກ່ຽວຂ້ອງໄດ້ມອບໃຫ້ລັດຖະສະພາສຳຫຼວດພິຈາລະນາແລ້ວ.
|
|
