|
ເວທີປຶກສາຫາລືຊັ້ນສູງການຮ່ວມມືແລະການພັດທະນາດ້ານກົດໝາຍລະຫວ່າງຈີນອາຊຽນຄັ້ງທີ 3 ຈະຈັດຂຶ້ນຢູ່ຈຸງກິງ
cri
ຕາມຂ່າວສານຊິ່ນຮວາ: ແຕ່ວັນທີ 12 ຫາວັນທີ 16 ກັນຍານີ້, ເວທີປຶກສາຫາລືຊັ້ນສູງການຮ່ວມມືແລະການພັດທະນາດ້ານກົດໝາຍລະຫວ່າງຈີນອາຊຽນຄັ້ງທີ 3 ຈະຈັດຂຶ້ນຢູ່ຈຸງກິງ ເມືອງພາກຕາເວັນຕົກສຽງໃຕ້ຂອງຈີນ. ນັກກົດໝາຍ 120 ກວ່າຄົນຂອງຈີນແລະ 10 ປະເທດອາຊຽນຈະດຳເນີນການຫາລືກ່ຽວກັບບັນຫາຕ່າງໆ, ເຊັ່ນ: ບັນຫາກົດໝາຍຂອງການສ້າງເຂດການຄ້າເສລີຈີນອາຊຽນເປັນຕົ້ນ.
ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 10 ກັນຍານີ້, ເຈົ້າພາບແນະນຳວ່າ, ຂະບວນການສ້າງເຂດການຄ້າເສລີຈີນອາຊຽນພວມມີຄືບໜ້າຢ່າງບໍ່ຢຸດຢັ້ງ, ຮອດປີ 2010, ເຂດການຄ້າເສລີຈີນອາຊຽນຈະຍົກເວັ້ນພາສີ, ຂະບວນການດັ່ງກ່າວນີ້ຈະພົວພັນເຖິງບັນຫາກົດໝາຍຢ່າງຫຼວງຫຼາຍ, ສະນັ້ນ, ເວທີປຶກສາຫາລືຄັ້ງທີ 3 ຈະດຳເນີນການຫາລືກ່ຽວກັບຫົວຂໍ້ດັ່ງກ່າວໂດຍສະເພາະ.
ເວທີປຶກສາຫາລືຊັ້ນສູງການຮ່ວມມືແລະການພັດທະນາດ້ານກົດໝາຍລະຫວ່າງຈີນອາຊຽນແມ່ນສະມາຄົມທຳມະສາດຈີນລິເລີ່ມຈັດຂຶ້ນ, ຈີນແລະປະເທດສະມາຊິກອາຊຽນປ່ຽນກັນເປັນເຈົ້າພາບ.
|
|
