|
ຊາວກະສິກອນຈີນທີ່ໃຊ້ອິນເດິເນັດຫຼາຍກວ່າ 37 ລ້ານຄົນ
cri
ຕາມຂ່າວໜັງສືພິມເຢິນມິນຢື້ປ້າວສະບັບຕ່າງປະເທດ: ຫວ່າງມໍ່ໆນີ້, ສູນຂໍ້ມູນຂ່າວສານອິນເດິເນັດຈີນ (CNNIC) ປະກາດບົດລາຍງານສຳຫຼວດອິນເດິເນັດຊົນນະບົດຈີນປີ 2007, ນີ້ແມ່ນເທື່ອທຳອິດທີ່ຈີນປະກາດບົດລາຍງານສຳຫຼວດຮອບດ້ານກ່ຽວກັບສະພາບການພັດທະນາມະຫາພາກຂອງອິນເດິເນັດຊົນນະບົດ.
ບົດລາຍງານສະແດງໃຫ້ເຫັນວ່າ, ປະຈຸບັນ, ຊາວກະສິກອນຈີນທີ່ໃຊ້ອິນເດິເນັດຫຼາຍກວ່າ 37 ລ້ານຄົນ, ຫຼາຍກວ່າປີກາຍນີ້ 14 ລ້ານຄົນ.
ເຖິງວ່າເປັນແນວນີ້ກໍ່ຕາມ, ໃນຊາວກະສິກອນຈີນ 700 ລ້ານກວ່າຄົນ, ອັດຕາຄົນໃຊ້ອິນເດິເນັດມີພຽງ 5% ເທົ່ານັ້ນ, ແຕ່ໃນຂະນະດຽວກັນ, ຜູ້ໃຊ້ອິນເດິເນັດໃນຕົວເມືອງຈີນພັດມີເຖິງ 125 ລ້ານຄົນ, ອັດຕາຄົນໃຊ້ອິນເດິເນັດບັນລຸ 22%.
|
|
