|
ຜູ້ນຳປາເລັສຕິນແລະອິສຣາແອນເຫັນດີຈັດຕັ້ງໜ່ວຍງານຫາລືບັນຫາສ້າງຕັ້ງປະເທດປາເລັສຕິນ
cri
Author: m
ຕາມຂ່າວ CRI: ວັນທີ 10 ກັນຍານີ້, ທ່ານອັບບັສ ປະທານອົງການອຳນາດແຫ່ງຊາດປາເລັສຕິນແລະທ່ານເອຮຸດ ໂອນເມິດ ນາຍົກລັດ ຖະມົນຕີອິສຣາແອນໄດ້ຈັດການເຈລະຈາຢູ່ຢາລູຊາເລມ, ສອງຝ່າຍເຫັນດີຈັດຕັ້ງໜ່ວຍງານລະດັບລັດຖະມົນຕີ, ຫາລືບັນຫາສ້າງຕັ້ງປະເທດປາເລັສຕິນ.
ໂດຍອີງຕາມຖະແຫຼງການຮ່ວມທີ່ສອງຝ່າຍປະກາດພາຍຫຼັງການເຈລະຈາ, ໃນການເຈລະຈາ, ທ່ານອັບບັສຮຽກຮ້ອງໃຫ້ອິສຣາແອນປ່ອຍຄົນໂທດປາເລັສຕິນຫຼາຍກວ່າເກົ່າໃນໄລຍະມໍ່ໆນີ້, ແລະຜ່ອນຍານການຈຳກັດການເຄື່ອນໄຫວຊາວປາເລັສຕິນຢູ່ຝັ່ງຕະເວັນຕົກແມ່ນ້ຳຈໍແດນ. ທ່ານໂອນເມິດກ່າວວ່າ, ທ່ານເຂົ້າໃຈຄວາມຮຽກຮ້ອງດັ່ງກ່າວຂອງຝ່າຍປາເລັສຕິນຢ່າງເຕັມສ່ວນ, ແລະຈະສະເໜີໃຫ້ລັດຖະບານອິສຣາແອນຫາລື, ແລະຮັບຟັງຄວາມເຫັນຂອງຂະແໜງການປ້ອງກັນຄວາມປອດໄພ.
ນອກນີ້, ຂ່າວແຈ້ງອີກວ່າ, ພາຍຫຼັງການເຈລະຈາ, ທ່ານຊາບ ເອເຣຄັດ ຜູ້ແທນການເຈລະຈາຜູ້ທີໜຶ່ງຂອງປາເລັສຕິນກ່າວວ່າ, ທ່ານໂອນເມິດໄດ້ເຫັນດີປ່ອຍຊາວປາເລັສຕິນທີ່ຖືກກັກຂັງງວດທີໜຶ່ງໃນອາທິດທຳອິດຂອງເດືອນຈຳສິນມຸສລີມແລ້ວ.
|
|
