|
|
 |
| (GMT+08:00)
2007-09-14 20:44:35
|
 |
|
ຈີນຫວັງໃຫ້ວົງການຕ່າງໆຂອງອາເມລິກາເຂົ້າໃຈສາເຫດແທ້ຈິງທີ່ຜະລິດຕະພັນຈີນຖືກເອີ້ນຄືນ
cri
ຕາມຂ່າວ ＣＲＩ: ວັນທີ 13 ກັນຍານີ້, ໃນກອງປະຊຸມຖະແຫຼງຂ່າວທີ່ຈັດຂຶ້ນຢູ່ວໍຊິງຕັນ, ທ່ານເວີ້ຍຊວນຈົ່ງ ຮອງຫົວໜ້າກົມໃຫຍ່ກວດກາຄຸນນະພາບແຫ່ງຊາດຈີນກ່າວວ່າ, ລັດຖະບານຈີນເອົາໃຈໃສ່ນຳບັນຫາຄວາມປອດໄພດ້ານຄຸນນະພາບຂອງຜະລິດຕະພັນໃນລະດັບສູງ, ຝ່າຍຈີນເຂົ້າໃຈຄວາມສົນໃຈຂອງຝ່າຍອາເມລິກາທີ່ມີຕໍ່ຜະລິດຕະພັນຈີນທີ່ບັນຫາຈຳນວນໜຶ່ງ, ແຕ່ກໍ່ຫວັງໃຫ້ວົງການຕ່າງໆຂອງອາເມລິກາເຂົ້າໃຈສາເຫດແທ້ຈິງທີ່ຜະລິດຕະພັນຈີນຖືກເອີ້ນຄືນ.
ທ່ານເວີ້ນຊວນຈົ່ງກ່າວວ່າ, ກ່ຽວກັບບັນຫາເຄື່ອງຫຼິ້ນເດັກນ້ອຍທີ່ຜະລິດຢູ່ຈີນຖືກເອີ້ນຄືນໃນຫວ່າງມໍ່ໆນີ້, ເມື່ອສຳຫຼວດແລ້ວເຫັນວ່າ, ເຄື່ອງຫຼິ້ນເດັກນ້ອຍ 85% ທີ່ມີບັນຫາຄຸນນະພາບນັ້ນແມ່ນຍ້ອນການອອກແບບຜິດຂອງຝ່າຍອາເມລິກາ, 15% ແມ່ນຍ້ອນວິສາຫະກິດບາງແຫ່ງຂອງຈີນລະເມີດຂໍ້ກຳນົດ. ຕໍ່ວິສາຫະກິດຈີນທີ່ລະເມີດຂໍ້ກຳນົດດັ່ງກ່າວ, ລັດຖະບານຈີນໄດ້ລົງໂທດຢ່າງເຂັ້ມງວດແລ້ວ.
ຕໍ່ບັນຫາເຄື່ອງຫຼິ້ນເດັກນ້ອຍມີຊືນເກີນມາດຕະຖານແລະໄດ້ເຮັດໃຫ້ພາຍນອກເອົາໃຈໃສ່ນຳຢ່າງກວ້າງຂວາງນັ້ນ, ທ່ານເວີ້ນຊວນຈົ່ງກ່າວວ່າ, ເຄື່ອງຫຼິ້ນເດັກນ້ອຍຂອງຈີນຫຼາຍອັນທີ່ຖືກເອີ້ນຄືນແມ່ນຍ້ອນມາດຕະການຂອງປະເທດຕ່າງໆມີຄວາມຕ່າງກັນ, ເຄື່ອງຫຼິ້ນເດັກນ້ອຍເຫຼົ່ານີ້ສອດຄ່ອງກັບມາດຕະຖານຂອງຈີນແລະຂອງສະຫະພາບເອີລົບ, ແຕ່ໄດ້ສູງກວ່າມາດຕະຖານຂອງອາເມລິກາໜ້ອຍໜຶ່ງ. ກ່ຽວກັບບັນຫານີ້, ຂະແໜງການກວດກາຄຸນນະພາບຂອງຈີນແລະອາເມລິກາໄດ້ເຊັນສັນຍາແລ້ວ, ຈະຮັບປະກັນໃຫ້ເຄື່ອງຫຼິ້ນເດັກນ້ອຍຂອງຈີນທີ່ຂາຍໃຫ້ອາເມລິກາຈະຖືກມາດຕະຖານຄວາມປອດໄພດ້ານຄຸນນະພາບຂອງອາເມລິກາ.
|
|
|
