|
ຈີນຈະເພີ່ມທະວີການສະໜັບສະໜູນດ້ານນະໂຍບາຍຕໍ່ວິສາຫະກິດຂະໜາດກາງແລະນ້ອຍ
cri
ຕາມຂ່າວສານຊິນຮວາ,ວັນທີ15ກັນຍານີ້,ຢູ່ນະຄອນກວາງໂຈ່ວ,ທ່ານນາງໂອຊິນສຽນ ຮອງປະທານຄະນະກຳມະການການພັດທະນາແລະປະຕິຮູບແຫ່ງລັດຈີນກ່າວວ່າ,ວິສາຫະກິດຂະໜາດກາງແລະຂະໜາດນ້ອຍແມ່ນພາກສ່ວນປະກອບອັນສຳຄັນຂອງເສດຖະກິດແຫ່ງຊາດຈີນ,ແຕ່ໃນປະຈຸບັນຍັງປະເຊີນກັບຄວາມຫຍຸ້ງຍາກແລະບັນຫາຢ່າງຫຼວງຫຼາຍ,ໃນຕໍ່ໜ້າ,ຈີນຈະເພີ່ມທະວີການສະໜັບສະໜູນດ້ານນະໂຍບາຍຕໍ່ວິສາຫະກິດເຫຼົ່ານີ້,ເພື່ອຊຸກຍູ້ໃຫ້ວິສາຫະກິດເຫຼົ່ານີ້ພັດທະນາ ທັງດີ ທັງໄວ.
ໃນເວທີປາໄສ ວິສາຫະກິດຂະໜາດກາງແລະຂະໜາດນ້ອຍຈີນຍີ່ປຸ່ນທີ່ຈັດຂຶ້ນໃນວັນທີ15ກັນຍານີ້,ທ່ານນາງໂອຊິນສຽນກ່າວວ່າ,ໃນຕໍ່ໜ້າ,ຈີນຈະຜ່ອນຍານແລະເຮັດໃຫ້ການອະນຸມັດວິສາຫະກິດຂະໜາດກາງແລະຂະໜາດນ້ອຍເຂົ້າຕະຫຼາດນັ້ນເປັນລະບຽບແບບແຜນ.ສົ່ງເສີມ,ສະໜັບສະໜູນແລະຊັກນຳວິສາຫະກິດເຫຼົ່ານີ້ເຂົ້າຮ່ວມການປະຕິຮູບລັດວິສາຫະກິດ,ເຂົ້າສູ່ຂົງເຂດ ສາທາລະນະປະໂຫຍດ,ພື້ນຖານໂຄງລ່າງແລະຂົງເຂດອື່ນໆ.ປັບປຸງການບໍລິການດ້ານການທະນາຄານ,ເປີດກວ້າງຊ່ອງທາງລະດົມທຶນໂດຍກົງຂອງວິສາຫະກິດຂະໜາດກາງແລະຂະໜາດນ້ອຍ,ປັບປຸງໂຄງປະກອບປົກປ້ອງສິດຊັບສິນທາງບັນຍາໃຫ້ສົມບູນຂຶ້ນ,ເຮັດໃຫ້ວິສາຫະກິດເຫຼົ່ານີ້ມີຄວາມຫ້າວຫັນຫຼາຍກວ່າເກົ່າໃນການເຮັດທຸລະກິດແລະປະດິດສ້າງ.
ສະຕິຖິສະແດງໃຫ້ເຫັນວ່າ,ປັດຈຸບັນ,ວິສາຫະກິດຂະໜາດກາງແລະຂະໜາດນ້ອຍໄດ້ກວມຍອດຈຳນວນວິສາຫະກິດຂອງຈີນ99%ຂຶ້ນໄປ,ມູນຄ່າຂອງຜະລິດຕະພັນແລະການບໍລິການຂອງວິສາຫະກິດເຫຼົ່ານີ້ໄດ້ກວມGDPຂອງທົ່ວປະເທດຈີນເກືອບ60%.
|
|
