|
|
 |
| (GMT+08:00)
2007-09-17 19:00:53
|
 |
|
ຈີນນຳໃຊ້ມາດຖານດຽວກັນໃນການຕິດຕາມກວດກາສິ່ງແວດລ້ອມຕໍ່ວິສາຫະກິດພາຍໃນປະເທດແລະວິສາຫະກິດທຶນຕ່າງປະເທດ
cri
ຕາມຂ່າວສານຊີນຮວາ: ວັນທີ 17 ກັນຍານີ້ ຢູ່ປັກກິ່ງ, ຜູ່ຮັບຜິດຊອບທີ່ກ່ຽວຂ້ອງຂອງກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນກ່າວວ່າ, ບໍ່ວ່າແມ່ນວິສາຫະກິດພາຍໃນປະເທດຫລືວິສາຫະກິດຶນຕ່າງປະເທດກໍ່ຕາມ, ລ້ວນແຕ່ຕ້ອງເຄົາລົບກົດຫມາຍກົດບັນຍັດກ່ຽວກັບສິ່ງແວດລ້ອມຂອງຈີນ, ຈີນໃຊ້ມາດຖານດຽວກັນຫມົດໃນການຕິະດຕາມກວດກາສິ່ງແວດລ້ອມຕໍ່ວິສາຫະກິດພາຍໃນປະເທດແລະທຶນຕ່າງປະເທດ.
ຜູ່ຮັບຜິດຊອບຜູ່ນີ້ແມ່ນກ່າວຄຳເວົ້າດັ່ງກ່າວໃນເວລາແນະນຳເເລື່ອງບໍລິສັດຢູນີເລເວີຈີນຈຳກັດຖືກພາກສ່ວນອະນຸລັກສິ່ງແວດລ້ອມປັບໄຫມຍ້ອນລະບາຍນ້ຳໂສໂຄກແລະສິ່ງເຊື່ອມພິດເກີນກຳນົດ.
ຕາມຊາບວ່າ, ເດືອນພຶດສະພາປີນີ້, ຫນ່ວຍກວດກາຂອງກົມໃຫຍ່ອະນຸລັກສິ່ງແວດລ້ອມຈີນໄດ້ກວດກາເຫັນວ່າ, ສິ່ງເຊື່ອມພິດດໃນນ້ຳໂສໂຄກທີ່ບໍລິສັດຢູນີເລເວີຈີນຈຳກັດທີ່ຕັ້ງຢູ່ເມືອງເຫີເຝີຍແຂວງອານຫຸ່ຍຂອງຈີນໄດ້ເກີນມາດຖານ, ພາກສ່ວນອະນຸລັກສິ່ງແວດລ້ອມໄດ້ລົງໂທດບໍລິສັດດັ່ງກ່າວ.
ຜູ່ຮັບຜິດຊອບຂອງກົມໃຫຍ່ອະນຸລັກສິ່ງແວດລ້ອມຈີນກ່າວວ່າ, ບັນຫາລະເມີດກົດຫມາຍດ້ານການອະນຸລັກສິ່ງແວດລ້ອມຂອງບາງວິສາຫະກິດທຶນຕ່າງປະເທດໄດ້ເຮັດໃຫ້ກົມໃຫຍ່ອະນຸລັກສິ່ງແວດລ້ອມເອົາໃຈໃສ່ຢ່າງສູງ,ການເພີ່ມທະວີການຕິດຕາມກວດກາໄດ້ກາຍເປັນຄວາມຮັບຮູ້ນຳກັນຂອງພາກສ່ວນອະນຸລັກສິ່ງແວດລ້ອມທຸກຂັ້ນຂອງຈີນແລ້ວ.
|
|
|
