|
ທ່ານກຼີນສພານກ່າວວ່າ ອາເມລິກາກໍ່ສົງຄາມອີຣັກເພື່ອນ້ຳມັນເຊື້ອໄຟ
cri
Author: cai
ຕາມຂ່າວສານຊີນຮວາ:ໜັງສືພິມ"ເດີ ຊັນເດ ແທມສ໌"ຂອງອັງກິດສະບັບວັນທີ 16 ກັນຍານີ້ລາຍງານວ່າ,ໃນໜັງສືຫວນຄືນປະຫວັດສາດຂອງທ່ານອາລານ ກຼີນສພານ ອະດີດປະທານ FED ຄືທະນາຄານກາງສະຫະລັດອາເມລິກາທີ່ຈະພິມຈຳໜ່າຍໃນໄວໆນີ້,ໄດ້ຂຽນວ່າ,ລັດຖະບານບຸສຂອງອາເມລິກາກໍ່ສົງຄາມອີຣັກໃນປີ 2003,ແມ່ນເພື່ອນ້ຳມັນເຊື້ອໄຟແທ້ໆ.
ຕາມຂ່າວແຈ້ງວ່າ,ໃນໜັງສືຫວນຄືນປະຫວັດສາດ,ທ່ານກຼີນສພານຂຽນວ່າ,ເຖິງວ່າລັດຖະບານບຸສຮັບສາລະພາບບໍ່ໄດ້ໃນດ້ານການເມືອງ,ແຕ່ເຂົາກໍ່ສົງຄາມອີຣັກ,ສຳຄັນແມ່ນເພື່ອນ້ຳມັນເຊື້ອໄຟ,ນີ້ແມ່ນຄວາມຈິງທີ່ໃຜໆກໍ່ຮູ້ແລ້ວ.
ລັດຖະບານຂອງອາເມລິກາແລະອັງກິດຍຶດໝັ້ນຕະຫຼອດມາວ່າ,ພວກເຂົາກໍ່ສົງຄາມບໍ່ມີສ່ວນກ່ຽວຂ້ອງກັບນ້ຳມັນເຊື້ອໄຟ.ທ່ານບຸສ ປະທານາທິບໍດີອາເມລິກາເຄີຍກ່າວວ່າ,ການກໍ່ສົງຄາມແມ່ນເພື່ອລົບລ້າງອາວຸດລ້າງຜານຂະໜາດໃຫຍ່ຂອງອີຣັກ,ແລະໃຫ້ຊາດາມສິ້ນສຸດການສະໜັບສະໜູນລັດທິກໍ່ການຮ້າຍ.
|
|
