|
ຕາໜ່າງໄຟຟ້າພາກໃຕ້ຈີນຮ່ວມມືກັບທະນາຄານໂລກຊຸກຍູ້ການຮ່ວມມືດ້ານພະລັງງານໃນອະນຸພາກພື້ນແມ່ນ້ຳຂອງ
cri
Author: cai
ຕາມຂ່າວສານຊີນຮວາ:ວັນທີ 17 ກັນຍານີ້,ຢູ່ປັກກິ່ງ,ບໍລິສັດຕາໜ່າງໄຟຟ້າພາກໃຕ້ຈີນກັບທະນາຄານໂລກໄດ້ເຊັນບົດບັນທຶກຊ່ວຍຈຳການຮ່ວມມືຢ່າງເປັນທາງການ,ອີງຕາມເອກະສານດັ່ງກ່າວ,ສອງຝ່າຍຈະໃຊ້ມາດຕະການຮ່ວມມືຫຼາຍຢ່າງ,ພ້ອມກັນຊຸກຍູ້ການຮ່ວມມືດ້ານພະລັງງານໃນອະນຸພາກພື້ນແມ່ນ້ຳຂອງ.
ອີງຕາມບົດບັນທຶກຊ່ວຍຈຳ,ຕາໜ່າງໄຟຟ້າພາກໃຕ້ຈີນຈະລົງທຶນເຂົ້າໃນໂຄງການໄຟຟ້າ,ນອກນັ້ນ,ຍັງຈະພ້ອມກັນກັບທະນາຄານໂລກ,ໃຫ້ການສະໜັບສະໜູນດ້ານເຕັກນິກທີ່ກ່ຽວຂ້ອງແລະອົບຮົມພະນັກງານໃຫ້ພາກສ່ວນໄຟຟ້າຂອງປະເທດຕ່າງໆໃນອະນຸພາກພື້ນ.ທະນາຄານໂລກຈະໃຫ້ບູລິມະສິດສະໜອງເຄື່ອງມືລະດົມທຶນໃໝ່ໃຫ້ຕາໜ່າງໄຟຟ້າພາກໃຕ້ຈີນ,ບຸກເບີກຕະຫຼາດໄຟຟ້າໃນອະນຸພາກພື້ນແມ່ນ້ຳຂອງຢ່າງດີກວ່າເກົ່າ.
ໃນຖານະທີ່ເປັນຫົວໜ່ວຍຝ່າຍຈີນທີ່ປະຕິບັດການຮ່ວມມືດ້ານໄຟຟ້າໃນອະນຸພາກພື້ນແມ່ນ້ຳຂອງທີ່ລັດຖະບານຈີນໄດ້ມອບສິດ,ໃນຫຼາຍປີມານີ້,ບໍລິສັດຕາໜ່າງໄຟຟ້າພາກໃຕ້ຈີນໄດ້ດຳເນີນໂຄງການຮ່ວມມືພາກພື້ນດ້ານໄຟຟ້າກັບພາກສ່ວນໄຟຟ້າຂອງຫວຽດນາມ ລາວ ມຽນມາແລະໄທເປັນຕົ້ນຕາມໆກັນ.
|
|
