|
ງານສຳມະນາກ່ຽວກັບການເກືອດຫ້າມຢາເສບຕິດຂອງເວທີປາໄສອາຊຽນກ່າວເນັ້ນວ່າ ຕ້ອງຊັກນຳປະຊາຊົນໃຫ້ເຂົ້າຮ່ວມການປ້ອງກັນແລະໂຈມຕີການຕ້ອງໂທດທີ່ກ່ຽວພັນເຖິງຢາເສບຕິດ
cri
Author: cai
ຕາມຂ່າວສານຊີນຮວາ:ງານສຳມະນາເກືອດຫ້າມຢາເສບຕິດຂອງເວທີປາໄສອາຊຽນໄດ້ຈັດຂຶ້ນຢູ່ນະຄອນຊີ່ອ່ານ ແຂວງສ້ານຊີ ພາກຕາເວັນຕົກຂອງຈີນແຕ່ວັນທີ 19 ຫາວັນທີ 21 ກັນຍານີ້,ຫົວຂໍ້ກອງປະຊຸມແມ່ນ"ສັງຄົມເຂົ້າຮ່ວມວຽກງານເກືອດຫ້າມຢາເສບຕິດ".ງານສຳມະນາເທື່ອນີ້ແມ່ນຈີນກັບໄທຮ່ວມກັນເປັນເຈົ້າພາບຈັດຂຶ້ນ,ເຈົ້າໜ້າທີ່ເກືອດຫ້າມຢາເສບຕິດແລະນັກການທູດຂອງ 23 ຝ່າຍທີ່ເຂົ້າຮ່ວມເວທີປາໄສອາຊຽນໄດ້ເຂົ້າຮ່ວມກອງປະຊຸມ.
ຜູ້ແທນທີ່ເຂົ້າຮ່ວມງານສຳມະນາເຫັນວ່າ,ສະຖານະການຜະລິດແລະຄ້າຂາຍຢາເສບຕິດໃນພາກພື້ນແຫ່ງນີ້ໜັກໜ່ວງຫຼາຍ,ໄດ້ຂົ່ມຂູ່ຄວາມໝັ້ນຄົງ ສະຖຽນລະພາບແລະການພັດທະນາຂອງເສດຖະກິດຂອງພາກພື້ນ,ກ່າວເນັ້ນວ່າ,ປະເທດຕ່າງໆຄວນລະດົມກຳລັງສັງຄົມຢ່າງກວ້າງຂວາງ,ຊັກນຳປະຊາຊົນເຂົ້າຮ່ວມການປ້ອງກັນແລະໂຈມຕີການຕ້ອງໂທດທີ່ກ່ຽວພັນເຖິງຢາເສບຕິດ,ສ້າງບັນຍາກາດອັນດີງາມທີ່ວົງການຕ່າງໆໃນສັງຄົມພ້ອມກັນເຂົ້າຮ່ວມວຽກງານປາບປາມຢາເສບຕິດ.
ງານສຳມະນາໄດ້ຍ້ອງຍໍຢ່າງເຕັມທີ່ຕໍ່ເວທີປາໄສອາຊຽນທີ່ໄດ້ເສີມຂະຫຍາຍບົດບາດອັນຕັ້ງໜ້າໃນການຊຸກຍູ້ການສົນທະນາແລະຮ່ວມມືກັນໃນຂົງເຂດເກືອດຫ້າມຢາເສບຕິດແລະຍົກຄວາມສາມາດກວມລວມຂອງພາກພື້ນແຫ່ງນີ້ໃນການຮ່ວມກັນຮັບມືກັບການທ້າທາຍໃຫ້ສູງຂຶ້ນ,ຮຽກຮ້ອງໃຫ້ສືບຕໍ່ລົງເລິກການຮ່ວມມືໃນພາກພື້ນ,ເພີ່ມທະວີການແລກປ່ຽນດ້ານຂໍ້ມູນຂ່າວສານແລະບົດຮຽນ.
|
|
