|
ທ່ານເວີ່ນເຈ່ຍປາວ ນາຍົກຈີນໂທລະສັບລົມກັບທ່ານບຼາວ ນາຍົກລັດຖະມົນຕີອັງກິດ
cri
Author: cai
ຕາມຂ່າວCRI:ຕອນຄ່ຳວັນທີ 28 ກັນຍານີ້,ທ່ານເວີ່ນເຈ່ຍປາວ ນາຍົກລັດຖະມົນຕີຈີນໄດ້ໂທລະສັບລົມກັບທ່ານກໍດັນ ບຼາວ ນາຍົກລັດຖະມົນຕີອັງກິດກ່ຽວກັບບັນຫາມຽນມາຕາມນັດ,ສອງຝ່າຍໄດ້ແລກປ່ຽນຄວາມເຫັນກັນ.
ທ່ານບຼາວກ່າວວ່າ,ຝ່າຍອັງກິດຫວັງໃຫ້ຝ່າຍຈີນສືບຕໍ່ເສີມຂະຫຍາຍບົດບາດອັນຕັ້ງໜ້າເພື່ອແກ້ໄຂບັນຫາມຽນມາຢ່າງເໝາະສົມ.ທ່ານເວີ່ນເຈ່ຍປາວກ່າວວ່າ,ຈີນເອົາໃຈໃສ່ທີ່ສຸດນຳສະຖານະການມຽນມາໃນປະຈຸບັນ,ຫວັງໃຫ້ຝ່າຍທີ່ກ່ຽວຂ້ອງຕ່າງໆຂອງມຽນມາຮັກສາຄວາມອົດກັ້ນ,ຟື້ນຟູສະຖຽນລະພາບໂດຍໄວ,ບັນລຸປະຊາທິປະໄຕແລະການພັດທະນາດ້ວຍສັນຕິວິທີ.
ນອກນີ້,ຂ່າວແຈ້ງວ່າ,ວັນທີ 28 ກັນຍານີ້,ຢູ່ເຊີແນວ,ສະພາສິດທິມະນຸດອົງການສະຫະປະຊາຊາດປະກາດວ່າ,ໄດ້ກຳນົດໃນເບື້ອງຕົ້ນວ່າ,ຈະຈັດກອງປະຊຸມວິສາມັນສະພາສິດທິມະນຸດກ່ຽວກັບສະຖານະການມຽນມາໃນວັນທີ 2 ຕຸລາ,ຫາລືຫົວຂໍ້ກ່ຽວກັບການແກ້ໄຂວິກິດການພາຍໃນປະເທດມຽນມາແລະປົກປ້ອງສິດທິມະນຸດຂອງມຽນມາເປັນຕົ້ນ.
ນອກນີ້,ວັນທີ 28 ກັນຍານີ້,ຣັດເຊຍ ຫວຽດນາມແລະກຳປູເຈຍເປັນຕົ້ນໄດ້ທະຍອຍກັນປະກອບຄວາມເຫັນກ່ຽວກັບສະຖານະການມຽນມາ,ຮຽກຮ້ອງໃຫ້ຝ່າຍຕ່າງໆທີ່ກ່ຽວຂ້ອງຮັກສາຄວາມອົດກັ້ນ,ເຮັດໃຫ້ສະຖານະການມຽນມາຟື້ນຟູສະຖຽນລະພາບໂດຍໄວ.
|
|
