|
|
 |
| (GMT+08:00)
2007-09-29 19:39:24
|
 |
|
ການເຈລະຈາ 6 ຝ່າຍຈັດຂຶ້ນຢູ່ປັກກິ່ງຕໍ່ໄປ
cri
Author: cai
ຕາມຂ່າວCRI:ວັນທີ 29 ກັນຍານີ້,ກອງປະຊຸມໄລຍະທີສອງຂອງການເຈລະຈາ 6 ຝ່າຍຮອບ 6 ກ່ຽວກັບບັນຫານີວເຄຼຍແຫຼມເກົາຫຼີໄດ້ເຂົ້າສູ່ມື້ທີສາມ,ຝ່າຍຕ່າງໆຈະຫາລືກັນຕໍ່ໄປກ່ຽວກັບແຜນການດຳເນີນງານໄລຍະຕໍ່ໄປດ້ວຍຮູບການຈັດກອງປະຊຸມຫົວໜ້າຄະນະແລະການຫາລືກັນລະຫວ່າງສອງຝ່າຍເປັນຕົ້ນ.
ກ່ອນນີ້ມື້ໜຶ່ງ,ຈີນ ສ.ປ.ປ.ເກົາຫຼີ ສ.ເກົາຫຼີ ອາເມລິກາ ຍີ່ປຸ່ນແລະຣັດເຊຍໄດ້ຈັດກອງປະຊຸມຫົວໜ້າຄະນະສອງເທື່ອແລະກອງປະຊຸມລະຫວ່າງສອງຝ່າຍຫຼາຍເທື່ອ,ຫາລືກັນກ່ຽວກັບການຜັນຂະຫຍາຍແຜນການດຳເນີນງານໄລຍະຕໍ່ໄປໃນ"ຖະແຫຼງການຮ່ວມ".ຕາມທ່ານຊີນກ່າງ ໂຄສົກຖະແຫຼງຂ່າວຂອງຝ່າຍຈີນເຜີຍໃຫ້ຮູ້ໃນຕອນຄ່ຳມື້ດຽວກັນວ່າ,ຝ່າຍຕ່າງໆຍັງມີຄວາມສົນໃຈແລະຄວາມເຫັນຂັດກັນຈຳນວນໜຶ່ງທີ່ຕ້ອງການຫາລືກັນຕື່ມອີກ.
ນອກນີ້,ວັນທີ 28 ກັນຍານີ້,ທ່ານກໍເດິນ ຈອນໂດຼ ໂຄສົກຄະນະກຳມະການຄວາມປອດໄພແຫ່ງຊາດອາເມລິກາກ່າວວ່າ,ທ່ານບຸສ ປະທານາທິບໍດີອາເມລິກາໄດ້ອະນຸຍາດໃຫ້ການຊ່ວຍເຫຼືອດ້ານພະລັງງານທີ່ມີມູນຄ່າ 25 ລ້ານໂດລາແກ່ສ.ປ.ປ.ເກົາຫຼີ,ເພື່ອໃຊ້ໄປຊື້ນ້ຳມັນໜັກ 5 ໝື່ນໂຕນແລະສົ່ງໄປຮອດສ.ປ.ປ.ເກົາຫຼີ.
|
|
|
