|
|
 |
| (GMT+08:00)
2007-09-30 16:08:51
|
 |
|
ກອງປະຊຸມໄລຍະທີສອງຂອງການເຈລະຈາຫົກຝ່າຍຮອບທີ 6 ປະກາດພັກປະຊຸມ
cri
ຕາມຂ່າວ cri:ຕອນບ່າຍວັນທີ 30 ກັນຍານີ້,ທ່ານອູຕ້າເວີຍ ຫົວຫນ້າຄະນະຜູ່ແທນຈີນທີ່ເຂົ້າຮ່ວມການເຈລະຈາຫົກຝ່າຍກ່ຽວກັບບັນຫານິວເຄຼຍແຫລມເກົາຫລີປະກາດວ່າ, ກອງປະຊຸມໄລຍະທີສອງຂອງການເຈລະຈາ 6 ຝ່າຍຮອບທີ 6 ພັກປະຊຸມສອງມື້.
ຕອນບ່າຍມື້ດຽວກັນ, ກອງປະຊຸມດັ່ງກ່າວໄດ້ຈັດກອງປະຊຸມຫົວຫນ້າຄະນະຜູ່ແທນ.ຫລັງກອງປະຊຸມ, ຫົວຫນ້າຄະນະຜູ່ແທນຂອງ 6 ຝ່າຍໄດ້ພົບປະກັບນັກຂ່າວ.ໃນເວລາພົບປະ, ທ່ານອູຕ້າເວີຍກ່າວວ່າ, ກອງປະຊຸມເທື່ອນີ້ແມ່ນກອງປະຊຸມທີ່ສຳຄັນເທື່ອຫນຶ່ງໃນຂະບວນການເຈລະຈາຫົກຝ່າຍ,ຫົວຂໍ້ໃຈກາງຂອງກອງປະຊຸມແມ່ນຫາລື ວາງແລະຜັນຂະຫຍາຍແຜນການດຳເນີນງານໄລຍະທີສອງຂອງຖະແຫລງການຮ່ວມ.ພາຍໃນ 4 ມື້ທີ່ຜ່ານມາ, ຝ່າຍຕ່າງໆໄດ້ຮັບຟັງບົດລາຍງານຂອງ 5 ຫນ່ວຍງານຢ່າງຕັ້ງຫນ້າ,ແລະໄດ້ຫາລືກ່ຽວກັບແຜນການດຳເນີນງານໃນໄລຍະຕໍ່ໄປຢ່າງເຕັມສ່ວນແລະມີຄວາມຫມາຍ,ພ້ອມທັງໄດ້ກ້າວເຖີງຂັ້ນມີຄວາມຮັບຮູ້ຄືກັນທີ່ສຳຄັນ.ເມື່ອຝ່າຍຕ່າງໆໄດ້ພ້ອມກັນທຳຄວາມພະຍາຍາມແລ້ວ,ໄດ້ວາງເອກະສານຮ່ວມສະບັບຫນຶ່ງທີ່ຈະລາຍງານຕໍ່ລັດຖະບານປະເທດຕ່າງໆ.ຍ້ອນເອກະສານສະບັບນີ້ຍັງຕ້ອງໃຫ້ລັດຖະບານປະເທດຕ່າງໆຮັບຮອງ,ສະນັ້ນ ຈຶ່ງຕົກລົງພັກປະຊຸມສອງມື້.
|
|
|
