|
|
 |
| (GMT+08:00)
2007-09-30 18:47:55
|
 |
|
ຫົວຫນ້າຄະນະຜູ່ແທນຣັດເຊຍ ຍີ່ປຸ່ນ ສ.ເກົາຫລີແລະອາເມລິກາສະແດງຄວາມເພິ່ງພໍໃຈຕໍ່ຂະບວນການເຈລະຈາຫົກຝ່າຍ
cri
ຕາມຂ່າວ cri:ຕອນບ່າຍວັນທີ 30 ກັນຍານີ້, ກອງປະຊຸມໄລຍະທີສອງຂອງການເຈລະຈາຫົກຝ່າຍຮອບຫົກກ່ຽວກັບບັນຫານິວເຄຼຍແຫລມເກົາຫລີໄດ້ຈັດກອງປະຊຸມຫົວຫນ້າຄະນະຜູ່ແທນ,ໄດ້ຮ່າງເອກະສານຮ່ວມສະບັບຫນຶ່ງລາຍງານຕໍ່ລັດຖະບານປະເທດຕ່າງໆ.
ມື້ດຽວກັນ, ທ່ານອາເລຊັນເດີ ໂລຊິວໂຄຟ ຫົວຫນ້າຄະນະຜູ່ແທນຣັດເຊຍໄດ້ສະແດງຄວາມເພິ່ງພໍໃຈຕໍ່ເອກະສານຮ່ວມສະບັບນີ້.ທ່ານເຄນີຊີໂຣ ຊາຊາເອ ຫົວຫນ້າຄະນະຜູ່ແທນຍີ່ປຸ່ນກ່າວວ່າ, ຝ່າຍຕ່າງໆໄດ້ທຳຄວາມພະຍາຍາມຢ່າງຕັ້ງຫນ້າເພື່ອເຊັນສັນຍາກັນ,ຄວາມພະຍາຍາມເຫລົ່ານີ້ໄດ້ສະແດງອອກໃນເອກະສານ,ຂະບວນການເຮັດໃຫ້ແຫລມເກົາຫລີປອດນິວເຄຼຍໄດ້ຖືກຊຸກຍູ້ໄປອີກກ້າວຫນຶ່ງ.ທ່ານຊຸນຢຸງວູ ຫົວຫນ້າຄະນະຜູ່ແທນສາທາລະນະລັດເກົາຫລີກ່າວວ່າ, ທ່ານເຫັນວ່າໃນທີ່ສຸດຈະປະກອບເປັນເອກະສານໄດ້ຫລືບໍ່ກໍ່ບໍ່ກະທົບກະເທືອນເຖີງຂະບວນວິວັດປອດນິວເຄຼຍ. ທ່ານຄຼິສໂທເຟີ ຮິຣ ຫົວຫນ້າຄະນະຜູ່ແທນອາເມລິກາກ່າວວ່າ, ຫນ່ວຍເຕັກນິກທີ່ປະເທດທີ່ຮ່ວມການເຈລະຈາຫົກຝ່າຍແຕ່ງໄປນັ້ນຈະຢ໊ຽມຢາມຢົງບຽນຂອງສປປເກົາຫລີ.
|
|
|
