|
|
 |
| (GMT+08:00)
2007-10-03 17:25:14
|
 |
|
ການທຸລະກິດສາຂາໄດ້ກາຍເປັນຮູບທຸລະກິດຕົ້ນຕໍໃນຕະຫລາດຂ່າຍຍ່ອຍຂອງຈີນ
cri
ຕາມຂ່າວສານຊີນຮວາ: ຕົວເລກທີ່ກົມສະຖິຕິແຫ່ງຊາດຈີນປະກາດໃນຫວ່າງມໍ່ໆນີ້ສະແດງໃຫ້ເຫັນວ່າ,ການທຸລະກິດສາຂາ ເຊັ່ນຊຸບເບີມາເກດເປັນຕົ້ນໄດ້ກາຍເປັນຮູບການທຸລະກິດຕົ້ນຕໍໃນຕະຫລາດຂາຍຍ່ອຍຂອງຈີນ.
ການທຸລະກິດສາຂາທີ່ເປັນພາຫະນະອັນຫນຶ່ງໃນການຈໍລະຈອນສິນຄ້າໃນສະໄຫມໃຫມ່ໄດ້ກາຍເປັນຮູບການຂອງອົງການຈັດຕັ້ງທຸລະກິດສຳຄັນທີ່ວິສາຫະກິດການຄ້າມັກນຳໃຊ້, ສາຂາໄດ້ຈາກຈຳນວນຫນ້ອຍຫາຫລາຍຂຶ້ນ, ຈາກນ້ອຍຫາໃຫຍ່, ຄ່ອຍໆຂະຫຍາຍຕົວຂຶ້ນ,ປີ 2006,ຍອດມູນຄ່າຂອງຂະແຫນງການຂາຍຍ່ອຍແບບນີ້ແລະຂະແຫນງການກິນດຶ່ມໄດ້ກວມ 14% ຂອງຍອດມູນຄ່າຈຳຫນ່າຍເຄື່ອງບໍລິໂພກໃນສັງຄົມ,ສ່ວນໃນປີ 2002 ຕົວເລກນີ້ພຽງແຕ່ແມ່ນ 5%,ນີ້ໄດ້ອຳນວຍຄວາມສະດວກຢ່າງຫລວງຫລາຍໃຫ້ປະຊາຊົນໃນຊີວິດປະຈຳວັນ.
ເພື່ອແກ້ໄຂບັນຫາຜູ່ບໍລິໂພກຊົນນະບົດຊື້ຂອງບໍ່ສະດວກ, ແຕ່ປີ 2006 ເປັນຕົ້ນມາ,ກະຊວງການຄ້າຈີນໄດ້ເລີ່ມສ້າງຕະຫລາດຂາຍຍົກຜະລິດຕະ ພັນກະສິກຳຂະຫນາດໃຫຍ່ທັນສະໄຫມ 100 ກວ່າແຫ່ງເປັນຈຸດຫນັກ,ສ້າງວິສາຫະກິດຈໍລະຈອນສິນຄ້າຂະຫນາດໃຫຍ່ 100 ແຫ່ງ.ຜ່ານການໃຊ້ມາດຕະການຢ່າງເປັນລະບົບ, ຕາຫນ່າງຈໍລະຈອນສິນຄ້າທັນສະໄຫມຂອງຊົນນະບົດໄດ້ສົມບູນຂຶ້ນເລື້ອຍໆ,ແລະໄດ້ເຂົ້າສູ່ໄລຍະພັດທະນາຢ່າງວ່ອງໄວແລະຮອບດ້ານ.
|
|
|
