|
|
 |
| (GMT+08:00)
2007-10-04 17:15:03
|
 |
|
ໃນສາມປີທີ່ຜ່ານມາ ບໍລິສັດກອງທຶນຕ່າງປະເທດໃນຕະຫລາດຈີນມີ 60% ໄດ້ຮັບຜົນກຳໄລເກີນການຄາດຫມາຍ
cri
ຕາມຂ່າວສານຊີນຮວາ:ຫວ່າງມໍ່ໆນີ້ ບໍລິສັດພຼີອູສ ໂວເທີຮາວສ ຄູເພີຫລື pwc ເຊິ່ງເປັນອົງການໃຫ້ຄຳປຶກສາແລະບໍລິການໃຫຍ່ກວ່າຫມູ່ຂອງໂລກໄດ້ປະກາດບົດລາຍງານສະບັບຫນຶ່ງຊີ້ອອກວ່າ: ອີງຕາມການສຳຫລວດສະແດງໃຫ້ເຫັນວ່າ, ບໍລິສັດກອງທຶນຕ່າງປະເທດໃນຕະຫລາດຈີນມີ 60% ໄດ້ຮັບຜົນກຳໄລຫລາຍກວ່າການຄາດຫມາຍໃນສາມປີທີ່ຜ່ານມາ.
ປະຈຸບັນ ບໍລິສັດກອງທຶນຕ່າງປະເທດທີ່ຢູ່ໃນຕະຫລາດຈີນມີ 25 ບໍລິສັດ,ບົດລາຍງານດັ່ງກ່າວໄດ້ກ່າວເຖີງ 19 ບໍລິສັດ.ບົດລາຍງານກ່າວວ່າ, ຂະແຫນງການກອງທຶນຂອງຈີນພວມເຕີບໂຕຂຶ້ນຢ່າງວ່ອງໄວ, ຂະຫນາດການຄຸ້ມຄອງຊັບສິນເກືອບບັນລຸ 1800 ຕື້ຢວນ, ແມ່ນ 5 ເທົ່າກວ່າຂອງສອງປີກ່ອນ.ພ້ອມກັນນັ້ນ, ຈີນໄດ້ມີຜູ່ລົງທຶນ 13 ລ້ານກວ່າຄົນໄດ້ຊື້ກອງທຶນ.
ບຸກຄົນທີ່ກ່ຽວຂ້ອງຂອງອົງການ pwc ແຈ້ງໃຫ້ຊາບວ່າ, ບໍລິສັດກອງທຶນຕ່າງປະເທດທີ່ຢູ່ຕະຫລາດຈີນທຸກບໍລິສັດລ້ວນແຕ່ກ່າວວ່າ, ຜົນກຳໄລທີ່ເຂົາເຈົ້າຄາດໄວ້ໃນສາມປີຕໍ່ຫນ້ານີ້ຈະຫລາຍກວ່າຜົນກຳໄລທີ່ມີຢູ່ໃນປັດຈຸບັນ.
|
|
|
