|
|
 |
| (GMT+08:00)
2007-10-04 17:16:48
|
 |
|
ເສດຖະກິດສັງຄົມຂອງຕົວເມືອງຈີນໄດ້ພັດທະນາຢ່າງຮອບດ້ານແລະກົມກຽວກັນ
cri
ຕາມຂ່າວຈາກຫນັງສືພິມເຢີນມີນຢື້ປ້າວຂອງຈີນ:ບົດລາຍງານທີ່ກົມ ສະຖິຕິແຫ່ງຊາດຈີນປະກາດນັ້ນສະແດງໃຫ້ເຫັນວ່າ, ຕັ້ງແຕ່ໄຂກອງປະຊຸມຄັ້ງທີ 16ຂອງພັກກອມມູນິດຈີນໃນປີ 2002 ເປັນຕົ້ນມາ, ຂະບວນວິວັດຫັນເປັນຕົວເມືອງຂອງຈີນສືບຕໍ່ເລັ່ງໄວເຂົ້າ, ກຳລັງພັດທະນາເສດຖະກິດຂອງຕົວເມືອງໄດ້ເພີ່ມທະວີຂຶ້ນຢ່າງຈະແຈ້ງ, ເສດຖະກິດຂອງຕົວເມືອງໄດ້ພັດທະນາຢ່າງກົມກຽວກັນ.
ປີ 2006 ຈີນມີຕົວເມືອງ 661 ແຫ່ງແລ້ວ, ປະຊາຊົນໃນຕົວເມືອງກໍ່ມີ 300 ກວ່າລ້ານຄົນ, ມາດຕາສ່ວນຂອງຍອດມູນຄ່າຜະລິດຕະພັນໄດ້ກວມ gdp ທົ່ວປະເທດຈີນໄດ້ບັນລຸ 63,2% ເພີ່ມຂຶ້ນຫລາຍກວ່າປີ 2002 ເກືອບ 10%.ໃນຂະນະທີ່ເສດຖະກິດຕົວເມືອງພັດທະນາຢ່າງຕໍ່ເນຶ່ອງແລະວ່ອງໄວ, ໂຄງປະກອບເສດຖະກິດກໍ່ໄດ້ຮັບການປັບປຸງຢ່າງສົມເຫດສົມຜົນ,ໄດ້ພັດທະນາຢ່າງຮອບດ້ານແລະກົມກຽວກັນ.
ໃນຫລາຍປີມານີ້,ລະບົບພັດທະນາຕົວເມືອງຂອງຈີນໄດ້ຄ່ອຍໆສຸກງອມ,ນັບມື້ນັບກາຍເປັນສະຖານະພາບໃຫມ່ທີ່ຖືການພັດທະນາຂອງຕົວເມືອງໂດຍສະເພາະແມ່ນຕົວເມືອງໃຫຍ່ເປັນຕົວແທນແລະເຂດແຄວ້ນລະຫວ່າງບັນດາຕົວເມືອງເປັນຕົ້ນຕໍ.ເຂດແຄວ້ນຈຳນວນຫນຶ່ງທີ່ມີທ່າແຮງດ້ານທີ່ຕັ້ງ ຊັບພະຍາກອນແລະອຸດສາຫະກຳ,ໄດ້ບັນລຸລະດັບຫັນເປັນຕົວເມືອງທີ່ອ່າວສູງ,ກາຍເປັນກຸ່ມຕົວເມືອງທີ່ພັດທະນາຢ່າງໂຮມສູນ.
|
|
|
