|
|
(GMT+08:00)
2007-10-04 17:52:41
|
|
ຈີນສະແດງຄວາມຊົມເຊີຍຕໍ່ການພົບປະຂັ້ນສຸດຍອດລະຫວ່າງສປປເກົາຫລີກັບສ.ເກົາຫລີຄັ້ງທີສອງແລະໄດ້ຮັບຫມາກຜົນ
cri
ຕາມຂ່າວສານຊີນຮວາ: ວັນທີ 4 ຕຸລານີ້ ທ່ານລິວຈ້ຽນຊາວ ໂຄສົກກະຊວງການຕ່າງປະເທດຈີນກ່າວວ່າ, ຈີນສະແດງຄວາມຊົມເຊີຍຕໍ່ການພົບປະຂັ້ນສຸດລະຫວ່າງສາທາລະນະລັດປະຊາຊົນປະຊາທິປະໄຕເກົາຫລີກັບສາທາລະນະລັດເກົາຫລີ ຄັ້ງທີສອງແລະໄດ້ຮັບຫມາກຜົນ. ທ່ານລິວຈ້ຽນຊາວກ່າວວ່າ, ຈີນສະຫນັບສະຫນູນຕະຫລອດມາໃຫ້ສອງຝ່າຍເຫນືອໃຕ້ຂອງແຫລມເກົາຫລີປົວແປງການພົວພັນໃຫ້ດີຂຶ້ນໂດຍຜ່ານການສົນທະນາ,ເພື່ອບັນລຸຄວາມປອງດອງກັນແລະຮ່ວມມືກັນ. ຈີນສະແດງຄວາມຊົມເຊີຍ ຕໍ່ການພົບປະປະຂັ້ນສຸດຍອດລະຫວ່າງສປປເກົາຫລີກັບສ.ເກົາຫລີຄັ້ງທີສອງແລະໄດ້ຮັບຫມາກຜົນ,ເຊື່ອວ່ານີ້ຈະມີຜົນດີຕໍ່ຂະບວນວິວັດສັນຕິພາບຂອງແຫລມເກົລຫີ,ມີຜົນດີຕໍ່ສັນຕິພາບແລະສະຖຽນລະພາບຂອງພາກພື້ນນີ້.
ຂ່າວແຈ້ງອີກວ່າ, ພາຍຫລັງທ່ານກິມເຈິງອີນ ຜູ່ນຳສູງສຸດຂອງສາທາລະລັດປະຊາຊົນປະຊາທິປະໄຕເກົາຫລີກັບທ່ານໂຣມູຢຸນ ປະທານາທິບໍດີສາທາລະນະລັດເກົາຫລີເຊັນຖະແຫລງການການວ່າດ້ວຍການພັດທະນາແລະຄວາມຈະເລີນໂດຍສັນຕິແຫ່ງການພົວພັນເຫນືອໃຕ້ຢູ່ພຽງຢາງໃນວັນທີ 4 ຕຸລານີ້,ການພົບປະເທື່ອນີ້ກໍ່ສິ້ນສຸດລົງ.ຕອນບ່າຍມື້ດຽວນີ້, ທ່ານໂລມູຢຸນໄດ້ເດີນທາງອອກຈາກພຽງຢາງກັບຄືນປະເທດ.
ຖະແຫລງການທີ່ສອງຝ່າຍປະກາດນັ້ນລວມີເນື້ອໃນ 8 ດ້ານ, ສອງຝ່າຍໄດ້ກ້າວເຖີງຂັ້ນເປັນເອກະພາບກັນຢ່າງກວ້າງຂວາງໃນບັນຫາຕ່າງໆເຊັ່ນ:ສອງຝ່າຍສ້າງຄວາມໄວ້ເນື້ອເຊື່ອໃຈກັນ ເພີ່ມທະວີການສົນທະນາ ເປີດກວ້າງການຮ່ວມມືໃນດ້ານເສດຖະກິດແລະມະນຸດສະທຳ ຊຸກຍູ້ການສ້າງກົນໄກສັນຕິພາບແລະການປອດນິວເຄຼຍຢູ່ແຫລມເກົາຫລີ,ໃນນັ້ນ,ລວມທັງສອງຝ່າຍຈະນຳໃຊ້ທາງລົດໄຟຕາມຝັ່ງທະເລຕາເວັນຕົກຂົນສົ່ງກອງເຊຍຮ່ວມເຫນືອໃຕ້ໄປເຂົ້າຮ່ວມງານກິລາໂອລິມປິກປັກກິ່ງປີ 2008 ເປັນຄັ້ງທຳອິດ.
|
|
|