|
|
 |
| (GMT+08:00)
2007-10-06 15:42:50
|
 |
|
ຫນ່ວຍຊ່ຽວຊານທີ່ອາເມລິການແຕ່ງໄປສປປເກົາຫລີນັ້ນຈະອອກເດີນທາງໃນອາທິດຫນ້າ
cri
ຕາມຂ່າວສານຊີນຮວາ: ວັນທີ 5 ຕຸລານີ້ ທ່ານເມັກໂກມາກ ໂຄສົກກະຊວງການຕ່າງປະເທດອາເມລິກາກ່າວວ່າ, ອາເມລິກາຈະແຕ່ງຫນ່ວຍຊ່ຽວຊານໄປສາທາລະນະລັດປະຊາຊົນປະຊາທິປະໄຕເກົາຫລີໃນວັນທີ 9 ຕຸລານີ້,ເພື່ອເລີ່ມເຮັດໃຫ້ສິ່ງກໍ່ສ້າງນິວເຄຼຍເຊັ່ນເຄື່ອງປະຕິກອນນິວເຄຼຍຢົງປຽນແລະອື່ນໆເສຍສັບພະຄຸນ.
ທ່ານເມັກໂກມາກກ່າວວ່າ, ຫນ່ວຍຊ່ຽວຊານຫນ່ວຍນີ້ຈະຮັບຜິດຊອບວາງແຜນການເຮັດໃຫ້ສິ່ງກໍ່ສ້າງນິວເຄຼຍຂອງສປປເກົາຫລີສູນເສຍສັບພະຄຸນໃຫ້ຫນ່ວຍຊ່ຽວຊານອື່ນໆໃນຕໍ່ຫນ້ານີ້.
ຫວ່າງມໍ່ໆນີ້ ທ່ານຮິວ ຜູ່ຊ່ວຍລັດຖະມົນຕີກະຊວງການຕ່າງປະເທດອາເມລິກາ ຫົວຫນ້າຄະນະຜູ່ແທນອາເມລິກາທີ່ເຂົ້າຮ່ວມການເຈລະຈາ 6 ຝ່າຍກ່ຽວກັບບັນຫານິວເຄຼຍແຫລມເກົາຫລີກ່າວວ່າ, ອາເມລິກາຫວັງເລີ່ມເຮັດວຽກໃຫ້ສິ່ງກໍ່ສ້າງນິວເຄຼຍສປປເກົາຫລີສູນເສຍສັບພະຄຸນພາຍໃນຫລາຍອາທິດຕໍ່ຫນ້ານີ້,ແລະສຳເລັດວຽກນີ້ໃນທ້າຍປີ.
ອີງຕາມແຜນການ, ສປປເກົາຫລີຈະສຳເລັດການເຮັດໃຫ້ສິ່ງກໍ່ສ້າງນິວເຄຼຍຢົງປຽນສູນເສຍສັບພະຄຸນກ່ອນວັນທີ 31 ທັນວາປີນີ້.
|
|
|
