|
ມຽນມາປ່ອຍຕົວພະສົງ 404 ອົງ
cri
ຕາມຂ່າວສານຊີນຮວາ:ວັນທີ 6 ຕຸລານີ້,ສື່ມວນຊົນມຽນມາລາຍງານວ່າ:ພະສົງ 404 ອົງທີ່ຖືກກອງທະຫານຮັກສາຄວາມປອດໄພພາໄປສືບຖາມໃນການເຄື່ອນໄຫວກວດກາວັດຢູ່ຢາງກຸງຫວ່າງກ່ອນນີ້ໄດ້ຖືກປ່ອຍຕົວແລ້ວ.
ນັບແຕ່ເຂົ້າເດືອນກັນຍາມານີ້,ພະສົງແລະປະຊາຊົນສ່ວນໜຶ່ງຂອງມຽນມາໄດ້ແຫ່ຂະບວນສະແດງກຳລັງຢູ່ຕາມຖະໜົນ,ຮຽກຮ້ອງໃຫ້ຫຼຸດລາຄາສິນຄ້າ,ປົວແປງຊີວິດການເປັນຢູ່ຂອງປະຊາຊົນໃຫ້ດີຂຶ້ນ,ແລະບັນລຸການປອງດອງຊາດ.ລັດຖະບານມຽນມາເຫັນວ່າ,ນີ້ແມ່ນເກີດຂຶ້ນຍ້ອນມີອິດທິກຳລັງຕ້ານລັດຖະບານຂົນຂວາຍ.ເພື່ອຟື້ນຟູສະຖານະການໃຫ້ເປັນປົກກະຕິ,ວັນທີ 25 ກັນຍາແລ້ວນີ້,ຝ່າຍທາງການມຽນມາໄດ້ປະກາດຫ້າມສັນຈອນໃນຍາມກາງຄືນຢູ່ຢາງກຸງແລະມານດາເລ,ພ້ອມກັນນັ້ນ,ຫ້າມປະຊາຊົນຊຸມນຸມກັນແລະແຫ່ຂະບວນໃນຍາມກາງເວັນ.ຕາມຂໍ້ມູນຂອງຝ່າຍທາງການ,ພາຍຫຼັງໄດ້ປະຕິບັດການຫ້າມສັນຈອນໃນຍາມກາງຄືນແລ້ວ,ມີ 10 ຄົນຕາຍ,61 ຄົນເຊິ່ງລວມທັງຜູ້ຮັກສາຄວາມປອດໄພ 45 ຄົນບາດເຈັບ.
ໃນ 5 ມື້ມານີ້,ຢູ່ຢາງກຸງແລະມານດາເລ,ສະຖານະການໄດ້ສະຫງົບລົງ,ຊີວິດການເປັນຢູ່ຂອງປະຊາຊົນກໍ່ໄດ້ຄ່ອຍໆເປັນປົກກະຕິ.
|
|
