|
|
 |
| (GMT+08:00)
2007-10-07 15:51:25
|
 |
|
ການກໍ່ສ້າງລະບົບປ້ອງກັນແລະຄວບຄຸມພະຍາດຂອງຈີນໄດ້ຮັບຄວາມຄືບຫນ້າເປັນຂັ້ນຕອນ
cri
ຕາມຂ່າວສານຊີນຮວາ: ຕັ້ງແຕ່ຈີນເລີ່ມສ້າງສາລະບົບປ້ອງກັນແລະຄວບຄຸມພະຍາດເມື່ອປີ 2003 ເປັນຕົ້ນມາ, ສູນກາງແລະທ້ອງຖີ່ນໄດ້ໃຊ້ງົບປະມານ 10 ຕື້ 500 ລ້ານຢວນ, ສ້າງໂຄງການສູນປ້ອງກັນແລະຄວບຄຸມພະຍາດ 2400 ກວ່າໂຄງການ,ຈຸດຫນັກສະຫນັບສະຫນູນການກໍ່ສ້າງອົງການປ້ອງກັນແລະຄວບຄຸມພະຍາດຂອງເຂດພາກກາງແລະພາກຕາເວັນຕົກ,ການກໍ່ສ້າງລະບົບປ້ອງກັນແລະຄວບຄຸມພະຍາດໃນທົ່ວປະເທດໄດ້ຮັບຄວາມຄືບຫນ້າເປັນຂັ້ນຕອນ.
ຫວ່າງມໍ່ໆນີ້ ຢູ່ປັກກິ່ງ, ທ່ານເສີນຈູ ລັດຖະມົນຕີວ່າການກະຊວງສາທາລະນະສຸກຈີນກ່າວວ່າ, ຍ້ອນແຫ່ງຕ່າງໆໄດ້ເອົາໃຈໃສ່ຢ່າງສູງ, ສະນັ້ນ ວຽກງານປ້ອງກັນແລະຄວບຄຸມພະຍາດຂອງຈີນໄດ້ຮັບຄວາມຄືບຫນ້າອັນພົ້ນເດັ່ນ,ຄວາມສາມາດຄວບຄຸມແລະຮັບມືກັບພະຍາດຕິດແປດໄດ້ຍົກສູງຂຶ້ນຢ່າງຈະແຈ້ງ.ນອກນີ້, ຈີນກໍ່ໄດ້ຮັບຄວາມຄືບຫນ້າໃຫມ່ໃນວຽກງານປ້ອງກັນແລະຄວບຄຸມພະຍາດຮ້າຍແຮງ, ໂດຍສະເພາະແມ່ນວຽກງານປ້ອງກັນແລະຄວບຄຸມບໍ່ໃຫ້ຄົນເປັນພະຍາດໄຂ້ຫວັດສັດປີກແບບຮ້າຍແຮງນັ້ນ ຈີນໄດ້ຮັບຜົນງານທີ່ພາຍໃນແລະຕ່າງປະເທດຍອມຮັບ.ພ້ອມກັນນັ້ນ, ຈີນຍັງໄດ້ຮັບຄວາມຄືບຫນ້າທີ່ເປັນຫນ້າຊົມເຊີຍໃນດ້ານທາດບຳລຸງກັບຄວາມປອດໄພຂອງອາຫານ ສິ່ງແວດລ້ອມກັບສຸກຂະພາບ ການຮັກສາສຸກຂະພາບຂອງແມ່ແລະເດັກແລະປົວແປງເງື່ອນໄຂສາທາລະນະສຸກອັນພື້ນຖານຂອງຊົນນະບົດ.
|
|
|
