|
|
 |
| (GMT+08:00)
2007-10-07 16:14:00
|
 |
|
ກຳລັງວິທະຍາສາດເຕັກໂນໂລຊີຂອງຈີນເພີ່ມຂຶ້ນຢ່າງບໍ່ຢຸດຢັ້ງ
cri
Author: cai
ຕາມຂ່າວສານຊີນຮວາ:ຫວ່າງມໍ່ໆນີ້,ຝ່າຍທີ່ກ່ຽວຂ້ອງຂອງກະຊວງວິທະຍາສາດເຕັກໂນໂລຊີຈີນໄດ້ຍື່ນບົດລາຍງານກ່ຽວກັບກຳລັງວິທະຍາສາດເຕັກໂນໂລຊີຈີນ,ສະແດງໃຫ້ເຫັນວ່າ,ກຳລັງວິທະຍາສາດເຕັກໂນໂລຊີຂອງຈີນພວມເພີ່ມຂຶ້ນຢ່າງບໍ່ຢຸດຢັ້ງ.
ບົດລາຍງານສະແດງໃຫ້ເຫັນວ່າ,ປະຈຸບັນ,ຍອດຈຳນວນຊັບພະຍາກອນມະນຸດດ້ານວິທະຍາສາດເຕັກໂນໂລຊີຂອງຈີນມີປະມານ 35 ລ້ານຄົນ,ເປັນທີໜຶ່ງໃນໂລກ.ຂະໜາດລົງທຶນດ້ານວິທະຍາສາດເຕັກໂນໂລຊີໄດ້ເພີ່ມຂຶ້ນຢ່າງບໍ່ຢຸດຢັ້ງ,ລະດັບສ້າງແລະພັດທະນາສິດຊັບສິນທາງປັນຍາໄດ້ສູງຂຶ້ນຢ່າງຫຼວງຫຼາຍ,ຫົວຄິດປະດິດສ້າງດ້ານການຄົ້ນຄວ້າພື້ນຖານແລະເຕັກນິກກ້າວໜ້າໄດ້ເພີ່ມຂຶ້ນຢ່າງເດັ່ນຊັດ,ສະຖານະພາບການຮ່ວມມືດ້ານວິທະຍາສາດເຕັກໂນໂລຊີກັບຕ່າງປະເທດທີ່ຮອບດ້ານ ມີຫຼາຍລະດັບ ຂົງເຂດກວ້າງແລະລະດັບສູງໄດ້ຈໍ່ຕົວຂຶ້ນແລ້ວ.
ຜູ້ຮັບຜິດຊອບທີ່ກ່ຽວຂ້ອງຂອງກະຊວງວິທະຍາສາດເຕັກໂນໂລຊີຈີນກ່າວວ່າ,ໃນ 5 ປີທີ່ຜ່ານມາ,ເງື່ອນໄຂພື້ນຖານແລະສະພາບແວດລ້ອມຂອງການພັດທະນາວິທະຍາສາດເຕັກໂນໂລຊີຈີນນັບມື້ນັບດີຂຶ້ນ,ຫົວຄິດປະດິດສ້າງດ້ານວິທະຍາສາດເຕັກໂນໂລຊີໄດ້ສູງຂຶ້ນຢ່າງໜັກແໜ້ນ,ວິທະຍາສາດເຕັກໂນໂລຊີໄດ້ຄ້ຳປະກັນການພັດທະນາຂອງເສດຖະກິດແລະສັງຄົມແລະຄວາມປອດໄພແຫ່ງຊາດຢ່າງແຂງແຮງ.
|
|
|
