|
ສອງພັກການເມືອງໃຫຍ່ນິກາຍຊີອິດຂອງອີຣັກເຊັນສັນຍາຢຸດຍິງ
cri
Author: cai
ຕາມຂ່າວCRI:ວັນທີ 6 ຕຸລານີ້,ຝ່າຍອານຊາເດີແລະຄະນະກຳມະການສູງສຸດການປະຕິວັດອິສລາມ ເຊິ່ງເປັນສອງພັກການເມືອງໃຫຍ່ນິກາຍຊີອິດຂອງອີຣັກປະກາດວ່າ,ສອງຝ່າຍໄດ້ເຊັນສັນຍາຢູ່ເມືອງນາເຈັຟ ເມືອງສັກສິດນິກາຍຊີອິດ,ຮຽກຮ້ອງໃຫ້ຜູ້ສະໜັບສະໜູນຂອງແຕ່ລະຝ່າຍຢຸດຕິການປະທະກັນ.
ສັນຍາກ່າວເນັ້ນວ່າ,ສອງຝ່າຍເນັ້ນໜັກວ່າ,ບໍ່ວ່າຢູ່ພາຍໃຕ້ສະພາບການໃດໆ,ກໍ່ຕ້ອງປ້ອງກັນບໍ່ໃຫ້ເກີດການປະທະກັນຢ່າງນອງເລືອດ,ແລະເຫັນດີສ້າງຕັ້ງຄະນະກຳມະການປະສົມ,ພ້ອມກັນປ້ອງກັນການປະທະກັນທີ່ອາດຈະເກີດຂຶ້ນລະຫວ່າງສະມາຊິກຂອງສອງຝ່າຍ,ເຮັດໃຫ້ສະຖານະການພາຍໃນປະເທດຟື້ນຟູສະຖຽນລະພາບ.
ໃນຫຼາຍເດືອນທີ່ຜ່ານມາ,ຢູ່ເຂດຊຸມຊົນນິກາຍຊີອິດທີ່ພາກໃຕ້ອີຣັກ,ໄດ້ເກີດເຫດການຫຼອນໂຈມຕີດ້ວຍກຳລັງຮຸນແຮງຫຼາຍເທື່ອ,ເຫດການເຫຼົ່ານີ້ມີສ່ວນກ່ຽວພັນເຖິງການປະທະກັນລະຫວ່າງສອງພັກນິກາຍຊີອິດດັ່ງກ່າວ.ມີການວິຈານເຫັນວ່າ,ຖ້າສັນຍາຢຸດຍິງສະບັບນີ້ໄດ້ຮັບການປະຕິບັດ,ຈະຊ່ວຍອີຣັກບັນລຸການປອງດອງຊາດຢ່າງຮອບດ້ານ.
|
|
