|
|
(GMT+08:00)
2007-10-10 18:00:24
|
ງານວາງສະແດງປື້ມສາກົນຟຼັງຟອກໄຂຂຶ້ນ
cri
Author: m
ຕາມຂ່າວ CRI: ວັນທີ 10 ຕຸລານີ້, ງານວາງສະແດງປື້ມສາກົນຟຼັງຟອກ 2007 ໄດ້ຈັດຂຶ້ນຢູ່ສູນວາງສະແດງຟຼັງຟອກເຢຍລະມັນ. ວິສາຫະກິດ 7448 ແຫ່ງທີ່ມາຈາກ 108 ປະເທດແລະເຂດແຄ້ວນໄດ້ເຂົ້າຮ່ວມງານ, ປື້ມໃໝ່ທີ່ວາງສະແດງມີເກືອບ 4 ແສນຊະນິດ, ຈຳນວນປື້ມໄດ້ສະຖິຕິສູງສຸດໃນປະຫວັດການວາງສະແດງປື້ມ.
ທ່ານເຊີນອີ່ງມິງ ຮອງຫົວໜ້າຄະນະຜູ້ແທນຈີນ, ຮອງຫົວໜ້າກົມແລກປ່ຽນແລະຮ່ວມມືກັບຕ່າງປະເທດຂອງກົມໃຫຍ່ໜັງສືພິມແລະພິມຈຳໜ່າຍແຫ່ງຊາດຈີນແນະນຳວ່າ, ຄະນະຜູ້ແທນຈີນໄປເຂົ້າຮ່ວມງານເທື່ອນີ້ທັງໝົດໄດ້ເຊົ່າບ່ອນວາງສະແດງ 596 ຕາແມັດ, ແມ່ນເທື່ອໜຶ່ງທີ່ມີເນື້ອທີ່ວາງສະແດງກວ້າງກວ່າໝູ່, ປື້ມວາງສະແດງມີ 7000 ກວ່າຊະນິດ.
ງານວາງສະແດງປື້ມສາກົນຟຼັງຟອກແມ່ນໜຶ່ງໃນບັນດາງານວາງສະແດງປື້ມທີ່ມີລິກຂະສິດທີ່ມີຊື່ສຽງໃນໂລກ. ຕາມສະຖິຕິ, ແຕ່ລະປີ, ການຄ້າລິກຂະສິດທີ່ໄດ້ບັນລຸໃນງານວາງສະແດງປື້ມດັ່ງກ່າວກວມ 75% ຂອງຍອດຈຳນວນການຄ້າລິກຂະສິດທົ່ວໂລກ.
|
|
|