|
|
 |
| (GMT+08:00)
2007-10-11 15:27:44
|
 |
|
ຜູ່ຕາງຫນ້າຈີນມີເຈດຈຳນົງໃຫ້ເພີ່ມການຮ່ວມມືລະຫວ່າງສະຫະພັນລັດຖະສະພານາໆຊາດກັບສະຫະປະຊາຊາດ
cri
ຕາມຂ່າວສານຊີນຮວາ: ວັນທີ 10 ຕຸລານີ້ ກອງປະຊຸມໃຫຍ່ຂອງສະຫະພັນລັດຖະສະພານາໆຊາດຄັ້ງທີ 117 ທີ່ຈັດຂຶ້ນຢູ່ເຊີແນວໄດ້ອັດລົງ.ທ່ານລີຊົງມິນ ຫົວຫນ້າຄະນະຜູ່ແທນສະພາຜູ່ແທນປະຊາຊົນແຫ່ງຊາດຈີນ ຮອງຫົວຫນ້າຄະນະກຳມາທິການວຽກງານການຕ່າງປະເທດຂອງສະພາປະຊາຊົນແຫ່ງຊາດຈີນກ່າວໃນກອງປະຊຸມວ່າ, ການເພີ່ມທະວີການຮ່ວມມືລະຫວ່າງສະຫະພັນລັດຖະສະພານາໆຊາດກັບສະຫະປະຊາຊາດເລື້ອຍໆແມ່ນສຳຄັນທີ່ສຸດ,ແມ່ນຄວາມຕ້ອງການນອກຕົວຂອງການຂະຫຍາຍຕົວຂອງສະຖານະການສາກົນ.
ທ່ານລີຊົງມິນກ່າວວ່າ, ຈຸດຫນັກການຮ່ວມມືລະຫວ່າງສະຫະພັນລັດຖະສະພານາໆຊາດກັບສະຫະປະຊາຊາດຄວນແນໃສ່ການບັນລຸເປົ້າຫມາຍພັດທະນາສະຫັດສະວັດຂອງສະຫະປະຊາຊາດແລະມະຕິຂອງກອງປະຊຸມປະທານລັດຖະສະພາທົ່ວໂລກສອງເທື່ອ,ໂດຍສະເພາະຕ້ອງເອົາໃຈໃສ່ນຳບັນຫາສຳຄັນທີ່ປະເທດພວມພັດທະນາສົນໃຈເປັນພິເສດຢ່າງຈິງຈັງ.ສະພາປະຊາຊົນແຫ່ງຊາດຈີນຈະເຮັດຄືທີ່ຜ່ານມາ,ເພື່ອເສີມຂະຫຍາຍບົດບາດອັນຕັ້ງຫນ້າເພື່ອຊຸກຍູ້ການຮ່ວມມືລະຫວ່າງສະຫະພັນລັດຖະສະພານາໆຊາດກັບສະຫະປະຊາຊາດ.ກອງປະຊຸມຄັ້ງນີ້ໄດ້ຈັດເອົາສະຖານະການຂອງມຽນມາເປັນຫົວຂໍ້ອະພິປາຍດ່ວນ.ໃນເວລາປະກອບຄຳຄິດຄຳເຫັນ,ທ່ານລີຊົງມິນຊີ້ອອກວ່າ,ສະຖຽນລະພາບຂອງມຽນມາສອດຄ່ອງກັບຜົນປະໂຫຍດພື້ນຖານແລະຍາວໄກຂອງປະຊາຊົນມຽນມາ, ສອດຄ່ອງກັບຜົນປະໂຫຍດຮ່ວມຂອງພາກພື້ນອາຊີປາຊີຟິກກໍ່ຄືທົ່ວປະຊາຄົມໂລກ.ປະຊາຄົມໂລກເຊິ່ງລວມທັງສະຫະພັນລັດຖະສະພານາໆຊາດຄວນຖືທ່າທີທີ່ຮອບຄອບແລະຮັບຜິດຊອບໃນບັນຫານີ້,ສະຫນັບສະຫນູນແລະສົ່ງເສີມໃຫ້ທຳຄວາມພະຍາຍາມທຸກຢ່າງທີ່ມີຜົນດີຕໍ່ການຊຸກຍູ້ສະຖຽນລະພາບຂອງມຽນມາ ບັນລຸຄວາມປອງດອງກັນທາງການເມືອງແລະຊຸກຍູ້ຂະບວນວິວັດປະຊາທິປະໄຕ.
|
|
|
