|
ປະຊາຄົມໂລກຄວນຊ່ອຍເຫຼືອມຽນມາດ້ວຍຮູບການທີ່ມີລັກສະນະສ້າງສັນ
cri
Author: m
ຕາມຂ່າວ CRI: ວັນທີ 11 ຕຸລານີ້, ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງ, ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ, ປະຈຸບັນ, ປະຊາຄົມໂລກຄວນຊ່ອຍເຫຼືອມຽນມາບັນລຸຄວາມໝັ້ນຄົງ, ປອງດອງກັນ, ມີປະຊາທິປະໄຕແລະການພັດທະນາດ້ວຍຮູບການທີ່ມີລັກສະນະສ້າງສັນ, ນີ້ແມ່ນຄວາມເຫັນທີ່ເປັນເອກະພາບກັນຂອງປະເທດສ່ວນຫຼາຍໃນປະຊາຄົມໂລກ.
ໃນເວລາຕອບຄຳຖາມຂອງນັກຂ່າວ, ທ່ານລິວຈ້ຽນຊ່າວກ່າວວ່າ, ຝ່າຍຈີນເຫັນວ່າ, ປະຈຸບັນ, ສະຖານະການມຽນມາກຳລັງຂະຫຍາຍໄປສູ່ທິດທີ່ຜ່ອນຍານຕື່ມອີກ. ຝ່າຍຈີນຫວັງວ່າ, ຄວາມພະຍາຍາມທີ່ກ່ຽວຂ້ອງຄວນມີຜົນດີຕໍ່ຄວາມພະຍາຍາມໄກ່ເກ່ຍຂອງເລຂາທິການໃຫຍ່ສະຫະປະຊາຊາດ, ແລະມີຜົນດີຕໍ່ສະຖານະການມຽນມາສືບຕໍ່ຂະຫຍາຍໄປສູ່ທິດທີ່ຜ່ອນຍານ, ໝັ້ນທ່ຽງ, ມີປະຊາທິປະໄຕແລະພັດທະນາ.
|
|
