ຕາມ​ຂ່າວສານ​ຊິນ​ຮວາ: ວັນ​ທີ 10 ຕຸລາ​ນີ້ ຢູ່​ທີ່​ກາ​ລາ​ກັສ ນະຄອນຫຼວງ​ເວ​ເນ​ຊູ​ເອ​ລາ, ທ່ານ​ໂຮ​ເຊັບ ສະຕີ​ກຼິສ ຜູ້​ໄດ້​ລາງວັນ​ໂນ​ແບ​ວສາຂາ​ເສດຖະສາດ​ເມື່ອ​ປີ 2001 ກ່າວ​ວ່າ, ກຸ່ມ​ຕະ​ຫຼາດ​ເສດຖະກິດຈະ​ເລີ​ນ​ໃໝ່ ​ເຊິ່ງ​ແມ່ນ​ຈີນ​ແລະ​ອິນ​ເດຍ​ເປັນ​ຕົວ​ແທນ ​ໄດ້​ກາຍ​ເປັນ​ກຳ​ລັງ​ດັນ​ທີ່​ສຳຄັນ ​ໃນ​ການ​ຊຸກ​ຍູ້​ເສດຖະກິດ​ໂລກ​ໃຫ້​ເຕີບ​ໂຕ, ​ໃນ​ຫຼາຍ​ປີ​ມາ​ນີ້ ​​ເສດ​ຖະ​ກິດ​ຈີນ​ໄດ້ພັດທະນາ​ຢ່າງ​ວ່ອງ​ໄວ ​ນີ້​ຍ້ອນ​ວ່າ​ຈີນ​ໄດ້​ປະຕິບັດ​ນະ​ໂຍ​ບາຍ​ເສດ​ຖະ​ກິດ​ຢ່າງ​ສຳ​ເລັດ​ຜົນ.

ທ່ານ​ສະຕີ​ກຼິສຊີ້​ອອກ​ວ່າ, ມີ​ຫຼາຍ​ຄົນ​ເຫັນ​ວ່າ ຜົນສຳ​ເລັດ​ຂອງ​ຈີນແມ່ນ​ອາ​ໄສ​ແຮງ​ງານ​ທີ່​ລາ​ຄາ​ຖືກ, ​ແຕ່​ຄວາມ​ຈິງ​ບໍ່​​ເປັນແນວ​ນີ້. ນະ​ໂຍບາຍ​ຂອງ​ຈີນ​ແມ່ນ​ສົ່ງ​ເສີມ​ການ​ພັດ​ທະ​ນາ​ເຕັກ​ນິກ ​ແລະ ສ້າງ​ລະບົບ​ປະດິດ​ສ້າງ​ດ້ານວິທະຍາສາດ​ເຕັກ​ນິກ. ຈີນ​ຍັງ​ອອກ​ແຮງ​ພັດ​ທະ​ນາ​ການ​ສຶກສາ​ຊັ້ນສູງ, ອັນ​ໄດ້​ຫຼຸດຜ່ອນ​ຄວາມຫຼຸດ​ໂຕນ​ກັນ​ດ້ານ​ຄວາມ​ຮູ້ ກັບ​ປະ​ເທດ​ທີ່​ພັດ​ທະ​ນາ​ແລ້ວ.

ທ່ານ​ຍັງ​ໄດ້​ຍ້ອງຍໍ​ລັດຖະບານ​ຈີນ ທີ່​ຖື​ເອົາ​ການ​ອະນຸລັກ​ສິ່ງ​ແວດ​ລ້ອມ ​ແລະ ພັດ​ທະ​ນາ​ການ​ສຶກສາ ​ເປັນ​ເນື້ອ​ໃນ​ສຳຄັນ ​ໃນ​ແຜນ​ພັດທະນາ​ເສດ​ຖະ​ກິດ 5 ປີ​ຄັ້ງ​ທີ 11.