|
|
 |
| (GMT+08:00)
2007-10-12 17:51:33
|
 |
|
"ວິນເຊຍ"ແມ່ນສາເຫດທີ່ພາໃຫ້ເກີດອຸປະຕິເຫດຍົນຕົກຂອງເກາະພູເກັດ
cri
Author: shuo
ຕາມຂ່າວCRI:ວັນທີ12ຕຸລານີ້,ຢູ່ບາງກອກ,ທ່ານໄຊສະຫວັດ ກິດຕິພອນໄພບູນ ຫົວໜ້າຫ້ອງການຂອງກະຊວງຄົມມະນາຄົມຂອງໄທເຜີຍໃຫ້ຮູ້ວ່າ,ສະພາບການອາກາດບໍ່ດີແລະລົມພັດແຮງຫຼືເອີ້ນວ່າ ປະກົດການ"ວິນເຊຍ"ແມ່ນສາເຫດທີ່ພາໃຫ້ເກີດອຸປະຕິເຫດຍົນຕົກທີ່ພູເກັດໃນຫວ່າງກ່ອນນີ້ບໍ່ດົນ.
ໃນມື້ດຽວກັນ,ທ່ານໄຊສະຫວັດກ່າວວ່າ,ຜົນການສຳຫຼວດສະແດງໃຫ້ເຫັນວ່າ, ລົມແຮງໄດ້ພັດກະທົບໃສ່ຍົນທີ່ໃກ້ຈະລົງເດີ່ນນັ້ນເຈືອກອອກຈາກທາງແລ່ນ,ສ່ວນຜູ້ຂັບຍົນໄດ້ຕັດສິນໃຈຈະເອົາຂົນບິນຂຶ້ນອີກແຕ່ຍົນເສຍການຊົງຕົວແລ່ນອອກທາງແລ່ນ,ຈຶ່ງເກີດອຸປະຕິເຫດ.ທ່ານໄຊສະຫວັດເວົ້າວ່າ,ຄຳສະຫຼຸບດັ່ງກ່າວແມ່ນໄດ້ມາຈາກຜົນວິໄຈຂອງຜູ້ຊ່ຽວຊານອາເມລິກາທີ່ໄດ້ຈາກກັບດຳ ພ້ອມດ້ວຍຫຼັກຖານຈາກຜູ້ເຫັນເຫດການ.
"ວິນເຊຍ"ແມ່ນປະກົດການອາກາດຊະນິດໜຶ່ງ,ໝາຍເຖິງຄວາມໄວຂອງລົມປ່ຽນແປງຢ່າງກະທັນຫັນໃນທາງຂວາງແລະທາງຕັ້ງ.ມັນແມ່ນປັດໄຈທີ່ອັນຕະລາຍຫຼາຍໃນເວລາທີ່ຍົນຂຶ້ນແລະລົງເດີ່ນ,ມັກພາໃຫ້ຍົນເກີດອຸປະຕິເຫດ.
ວັນທີ16ກັນຍາແລ້ວນີ້,ຍົນໂດຍສານລຳນີ້ຂອງບໍລິສັດການບິນວັນທູໂກຂອງໄທແລ່ນອອກຈາກທາງແລ່ນໃນເວລາລົງເດີ່ນບິນສາກົນພູເກັດທີ່ພາກໃຕ້ຂອງໄທ,ແລ້ວລະເບີດເປັນສອງທ່ອນແລ້ວເກີດໄຟໄໝ້,ພາໃຫ້ຜູ້ໂດຍສານ90ຄົນເສຍຊີວິດ,40ຄົນບາດເຈັບ.
|
|
|
