|
|
 |
| (GMT+08:00)
2007-10-15 15:20:35
|
|
ຜູ້ນຳກຸ່ມການເມືອງສອງຝ່າຍສຳຄັນຂອງອີຣັກເຈລະຈາກັນ
cri
Author: cai
ຕາມຂ່າວCRI:ວັນທີ 14 ຕຸລານີ້,ຢູ່ເມືອງຣາມາດີ ແຂວງອານບາ,ທ່ານອາມາ ຮາຄິມ ຜູ້ນຳ"ຄະນະກຳມະການສູງສຸດອິສຣາມ"ນິກາຍຊີອິດອີຣັກກັບທ່ານເຊກ ອາຮາເມັດ ອາບູ ເຣຊາ ຜູ້ນຳ"ອານບາຕື່ນມາ"ນິກາຍຊຸດນີອີຣັກໄດ້ເຈລະຈາກັນເປັນຄັ້ງທຳອິດ.
ສອງຝ່າຍເປັນເອກະສັນກັນເຫັນວ່າ,ການພິພາດກັນລະຫວ່າງຝ່າຍຕ່າງໆຢູ່ພາຍໃນປະເທດອີຣັກໄດ້ພາໃຫ້ຊາວອີຣັກຫຼາຍພັນຄົນເສຍຊີວິດ,ຄວນເຮັດໃຫ້ອີຣັກບັນລຸປອງດອງຊາດຢ່າງຮອບດ້ານໂດຍໄວ,ສະກັດກັ້ນການປະທະກັນຢ່າງນອງເລືອດ,ດັດແປງສະຖານະການພາຍໃນປະເທດອີຣັກໃຫ້ດີຂຶ້ນ.ທ່ານເຣຊາຍັງຫວັງໃຫ້ທ່ານຮາຄິມສືບຕໍ່ສະໜັບສະໜູນການໂຈມຕີການເຄື່ອນໄຫວກໍ່ການຮ້າຍຂອງອົງການອານໄຄດາ.
ການເຈລະຈາລະຫວ່າງສອງກຸ່ມການເມືອງໃຫຍ່ຂອງນິກາຍຊີອິດແລະນິກາຍຊຸດນີຂອງອີຣັກເທື່ອນີ້,ຖືກຖືເປັນເຫດການສຳຄັນອັນໜຶ່ງໃນຂະບວນການປອງດອງຊາດຂອງອີຣັກ.
|
|
|
