|
ແຕ່ໄຕມາດທີຫນຶ່ງຫາໄຕມາດທີສາມຂອງປີນີ້ ຍອດມູນຄ່າການຄ້າຂາເຂົ້າຂາອອກຂອງຈີນໄດ້ບັນລຸ 1500 ຕຶ້ກວ່າໂດລາ
cri
ຕາມຂ່າວສານຊີນຮວາ: ສະຖິຕິຫລ້າສຸດທີ່ກົມໃຫຍ່ພາສີອາກອນຈີນປະກາດໃນວັນທີ 15 ຕຸລານີ້ສະແດງໃຫ້ເຫັນວ່າ, ແຕ່ໄຕມາດທີຫນຶ່ງຫາໄຕມາດທີສາມປີນີ້,ຍອດມູນຄ່າການຄ້າຂາເຂົ້າຂາອອກຂອງຈີນໄດ້ບັນລຸ 1500 ຕື້ກວ່າໂດລາ,ເພີ່ມຂຶ້ນຫລາຍກວ່າໄລຍະດຽວກັນຂອງປີກາຍ 20% ຂຶ້ນໄປ,ການຄ້າຂາອອກຫລາຍກວ່າຂາເຂົ້າ 180 ຕື້ກວ່າໂດລາຢ່າງລຽນຕິດ.
ໃນສາມໄຕມາດທີ່ຜ່ານມາໃນປີນີ້, ມູນຄ່າການຄ້າລະຫວ່າງຈີນກັບ 4 ຄູ່ການຄ້າໃຫຍ່ຄື ສະຫະພາບເອີລົບ ອາເມລິກາ ຍີ່ປຸ່ນແລະອາຊຽນລ້ວນແຕ່ສູງກວ່າ 100 ຕື້ໂດລາ.
ນອກນີ້, ຄຽງຄູ່ກັບອົງປະກອບຜະລິດຕະພັນຂາອອກຂອງຈີນໄດ້ປັບປຸງໃຫ້ດີຂຶ້ນເລື້ອຍໆ,ຜະລິດຕະພັນກົນຈັກແລະເຄື່ອງເອເລັກໂຕຼນິກມີມູນຄ່າເພີ່ມສູງນັ້ນໄດ້ກວມອັດຕານັບມື້ນັບຫລາຍໃນສິນຄ້າຂາອອກ.ສະຖິຕິສະແດງໃຫ້ເຫັນວ່າ, ໃນສາມໄຕມາດຕົ້ນປີນີ້, ຜະລິດຕະພັນກົນຈັກແລະເອເລັກໂຕຼນິກທີ່ສົ່ງອອກຂອງຈີນໄດ້ບັນລຸເກືອບ 500 ຕື້ໂດລາ,ກວມເກືອບ 60% ຂອງຍອດມູນຄ່າຂາອອກໃນໄລຍະດຽວກັນ.
|
|
