|
|
 |
| (GMT+08:00)
2007-10-16 16:11:35
|
 |
|
ກອງປະຊຸມລັດຖະບານໄທອະນຸມັດດຳລັດການເລືອກຕັ້ງໃໝ່
cri
Author: cai
ຕາມຂ່າວCRI:ວັນທີ 16 ຕຸລານີ້,ກອງປະຊຸມລັດຖະບານໄທໄດ້ອະນຸມັດດຳລັດການເລືອກຕັ້ງໃໝ່ທີ່ຄະນະກຳມະການການເລືອກຕັ້ງແຫ່ງຊາດສະເໜີໃຫ້.
ມື້ດຽວກັນ,ພາຍຫຼັງກອງປະຊຸມລັດຖະບານໄດ້ອັດລົງ,ທ່ານສຸທິພົນ ທະວີໄຊຍະການ ເລຂາທິການຄະນະກຳມະການການເລືອກຕັ້ງແຫ່ງຊາດໄທໄດ້ປະກາດຂ່າວນີ້.ທ່ານກ່າວວ່າ,ຫວ່າງມໍ່ໆນີ້,ທ່ານສຸລະຍຸດ ຈຸລານົນ ນາຍົກລັດຖະມົນຕີໄທຈະຖວາຍດຳລັດສະບັບດັ່ງກ່າວໃຫ້ພະບາດສົມເດັດພູມິພົນ ອະດຸນຍະເດດ ເຈົ້າຊີວິດໄທຊົງມີພະລາຊະໂອງການແລ້ວຈຶ່ງມີຜົນບັງຄັບໃຊ້.ອີງຕາມດຳລັດການເລືອກຕັ້ງສະບັບໃໝ່,ການເລືອກຕັ້ງສະພາຕ່ຳຮອບໃໝ່ຈະຈັດຂຶ້ນໃນວັນທີ 23 ທັນວາປີນີ້.
ມື້ດຽວກັນ,ທ່ານສົນທິ ບູນຍະລັດກະລິນ ຮອງນາຍົກລັດຖະມົນຕີ ອະດີດປະທານຄະນະມົນຕີຄວາມປອດໄພແຫ່ງຊາດໄທກ່າວວ່າ,ລັດຖະບານຊຸດປະຈຸບັນຈະພະຍາຍາມສຸດຂີດເພື່ອຮັບປະກັນຄວາມຍຸດຕິທຳແລະຄວາມປອດໃສຂອງການເລືອກຕັ້ງໃໝ່.
ເມື່ອວັນທີ 19 ກັນຍາປີກາຍນີ້,ທະຫານແລະຕຳຫຼວດຂອງໄທເຊິ່ງນຳໂດຍພົນເອກສົນທິ ບູນຍະລັດກະລິນໄດ້ກໍ່ລັດຖະປະຫານໂຄ່ນລົ້ມລັດຖະບານທັກສິນ ຊິນນະວັດ,ແລະໃຫ້ຄຳໝັ້ນສັນຍາວ່າ,ພາຍຫຼັງໄດ້ສຳເລັດວຽກງານຮ່າງລັດຖະທຳມະນູນສະບັບໃໝ່ແລ້ວ,ຈະຈັດການເລືອກຕັ້ງມອບສິດການປົກຄອງໃຫ້ປະຊາຊົນຄືນໃໝ່.ປະຈຸບັນ,ລັດຖະທຳມະນູນສະບັບໃໝ່ແລະດຳລັດ 3 ສະບັບກ່ຽວກັບການເລືອກຕັ້ງທົ່ວໄປຂອງໄທລ້ວນແຕ່ໄດ້ປະກາດໃຊ້ແລ້ວ.
|
|
|
