|
ວຽກງານການສຶກສາຂອງຈີນນັບແຕ່ກອງປະຊຸມໃຫຍ່ຄັ້ງທີ 16 ຂອງພັກເປັນຕົ້ນມາສືບຕໍ່ພັດທະນາຢ່າງກົມກຽວແລະປອດໃສ
cri
ຕາມຂ່າວ cri:ວັນທີ 16 ຕຸລານີ້ ຢູ່ປັກກິ່ງ,ທ່ານໂຈ່ວຈີ້ ລັດຖະມົນຕີວ່າການກະຊວງສຶກສາທິການຈີນກ່າວວ່າ, ຕັ້ງແຕ່ກອງປະຊຸມໃຫຍ່ຄັ້ງທີ 16 ຂອງພັກກອມມູນິດຈີນເມື່ອປີ 2002 ເປັນຕົ້ນມາ, ວຽກງານການສຶກສາຂອງຈີນໄດ້ສືບຕໍ່ພັດທະນາຢ່າງກົມກຽວກັນແລະປອດໃສ,ແລະໄດ້ມີການຄືບຫນ້າໃຫມ່ໃນດ້ານຊຸກຍູ້ຄວາມຍຸດຕິທຳທາງດ້ານການສຶກສາ.
ທ່ານໂຈ່ວຈີ້ແມ່ນກ່າວຄຳເວົ້າດັ່ງກ່າວໃນກອງປະຊຸມຂ່າວທີ່ຈັດຂຶ້ນຢູ່ສູນຂ່າວກອງປະຊຸມໃຫຍ່ຄັ້ງທີ 17 ຂອງພັກກອມມູນິດຈີນ.ທ່ານກ່າວວ່າ, ຕັ້ງແຕ່ກອງປະຊຸມໃຫຍ່ຄັ້ງທີ 16 ເປັນຕົ້ນມາ,ອັດຕາເຂົ້າໂຮງຮຽນໃນດ້ານການສຶກສາປະເພດຕ່າງໆແລະຂັ້ນຕ່າງໆຂອງຈີນໄດ້ຍົກສູງຂຶ້ນຕື່ມອີກ,ໂອກາດປະຊາຊົນໄດ້ຮັບການສຶກສາກໍ່ເພີ່ມຂຶ້ນ, ລະດັບຮັບການສຶກສາກໍ່ຍົກສູງຂຶ້ນເລື້ອຍໆ.ປັດຈຸບັນ, ເວລາຮັບການສຶກສາທີ່ສະເຫລ່ຍຕາມຫົວຄົນຫລາຍກວ່າ 8 ປີເຄິ່ງ,ໃນຈຳນວນຄົນຜູ່ປະກອບອາຊີບທີ່ໄດ້ຮັບການສຶກສາຊັ້ນສູງໃນທົ່ວປະເທດຈີນໄດ້ຢູ່ແຖວຫນ້າຂອງໂລກ,ຈີນພວມຈາກປະເທດໃຫຍ່ດ້ານປະຊາກອນຫັນມາເປັນປະເທດໃຫຍ່ດ້ານຊັບພະຍາກອນມະນຸດໄວເຂົ້າ.
ທ່ານໂຈ່ວຈີ້ກ່າວວ່າ, ໃນເວລາພັດທະນາການສຶກສາ, ລັດຖະບານຈີນຍັງໄດ້ຍຶດຫມັ້ນໃຫ້ການສຶກສາມີລັກສະນະສາທາລະນະປະໂຫຍດ,ອອກແຮງຊຸກຍູ້ຄວາມຍຸດຕິທຳທາງດ້ານການສຶກສາ.
|
|
