|
|
 |
| (GMT+08:00)
2007-10-16 19:06:58
|
 |
|
ວິທະຍາສາດເຕັກນິກຂອງຈີນໄດ້ມີຄວາມກ້າວຫນ້າສຳຄັນຕັ້ງແຕ່ໄຂກອງປະຊຸມໃຫຍ່ຄັ້ງທີ 16 ເປັນຕົ້ນມາ
cri
ຕາມຂ່າວ cri:ວັນທີ 16 ຕຸລານີ້ ຢູ່ປັກກິ່ງ, ທ່ານລີເຊຍຢົງ ລັດຖະມົນຕີຊ່ວຍວ່າການກະຊວງວິທະຍາສາດເຕັກໂນໂລຢີຈີນກ່າວວ່າ, ຕັ້ງແຕ່ໄຂກອງປະຊຸມໃຫຍ່ຄັ້ງທີ 16 ຂອງພັກກອມມູນິດຈີນເມື່ອປີ 2002 ເປັນຕົ້ນມາ, ວິທະຍາສາດເຕັກນິກຂອງຈີນໄດ້ມີການຄືບຫນ້າທີ່ສຳຄັນ, ກຳລັງດ້ານວິທະຍາສາດເຕັກນິກແຂງແຮງຂຶ້ນຢ່າງຫລວງຫລາຍ, ຄວາມສາມາດປະດິດສ້າງໂດຍຕົນກໍ່ເອງສູງຂຶ້ນຕື່ມອີກ.
ໃນກອງປະຊຸມຂ່າວທີ່ຈັດຂຶ້ນຢູ່ສູນຂ່າວຂອງກອງປະຊຸມໃຫຍ່ຄັ້ງທີ 17 ຂອງພັກກອມມູນິດຈີນທີ່ຈັດຂຶ້ນໃນມື້ດຽວກັນ, ທ່ານລີເຊຍຢົງກ່າວວ່າ, ໃນ 5 ປີມານີ້,ຈີນໄດ້ຮັບຜົນງານດ້ານວິທະຍາສາດເຕັກນິກຢ່າງຫລວງຫລາຍ,ເຊັ່ນການບິນອະວະກາດບັນທຸກຄົນ ເຂົ້າສານປະສົມພັນລະດັບສູງ ຄອມພິວເຕີສະມັດຖະພາບສູງແລະອື່ນໆ,ຄວາມສາມາດຄົ້ນຄວ້າປະດິດສ້າງອຸປະກອນເຕັກນິກສຳຄັນໄດ້ຍົກສູງຂຶ້ນຢ່າງເດັ່ນຊັດ, ວິທະຍາສາດເຕັກນິກມີບົດບາດຄ້ຳຊູແຂງແຮງກວ່າເກົ່າຢ່າງເດັ່ນຊັດ ໃນດ້ານປັບປຸງອົງປະກອບເສດຖະກິດ ແກ້ໄຂບັນຫາກະສິກຳ ຊົນນະບົດແລະບັນຫາຊາວກະສິກອນແລະໃນດ້ານປົວແປງຊີວິດການເປັນຢູ່ຂອງປະຊາຊົນໃຫ້ດີຂຶ້ນ.
ທ່ານລີເຊຍຢົງຊີ້ອອກວ່າ, ປັດຈຸບັນ ຍອດຈຳນວນຊັບພະຍາກອນມະນຸດດ້ານວິທະຍາສາດເຕັກນິກຂອງຈີນໄດ້ມີຮອດ 35 ລ້ານຄົນ,ເປັນທີຫນຶ່ງໃນໂລກ.ພ້ອມກັນນັ້ນ, ຂະຫນາດການລົງທຶນໃນດ້ານວິທະຍາສາດເຕັກນິກຂອງຈີນກໍ່ຫລາຍຂຶ້ນເລື້ອຍໆ,ການປະຕິຮູບໂຄງປະກອບວິທະຍາ ສາດເຕັກນິກກໍ່ເລິກເຊິ່ງກວ່າເກົ່າ,ການກໍ່ສ້າງລະບົບປະດິດສ້າງຂອງລັດໄດ້ດຳເນີນໄປຢ່າງສະດວກ,ການຮ່ວມມືດ້ານວິທະຍາສາດເຕັກນິກສາກົນກໍ່ຂະຫຍາຍລົງສູ່ລວງເລິກແລະລວງກວ້າງຢ່າງບໍ່ຢຸດຢັ້ງ.
|
|
|
