|
ຕາມຂ່າວສານຊິນຮວາ: ຈີນຈະລົງທຶນ 10 ກວ່າຕື້ຢວນ ເພື່ອຮັບປະກັນປະຊາຊົນໃນເຂດຊົນນະບົດ 80% ຂຶ້ນໄປຮັບຟັງວິທະຍຸເບິ່ງໂທລະພາບໄດ້.
ວັນທີ 16 ຕຸລານີ້, ຄະນະກຳມະການການພັດທະນາແລະການປະຕິຮູບແຫ່ງລັດຈີນໄດ້ປະກາດແຜນກ່ຽວຂ້ອງວ່າ, ຈະເພີ່ມທະວີການສົ່ງສັນຍານວິທະຍຸແລະໂທລະພາບໄປຊົນນະບົດ, ເຮັດໃຫ້ປະຊາຊົນໃນເຂດຊົນນະບົດຂອງຈີນ 80% ຂຶ້ນໄປ ສາມາດຮັບຟັງລາຍການວິທະຍຸ 4 ຄື້ນຂຶ້ນໄປໄດ້ ແລະ ຮັບເບິ່ງລາຍການໂທລະພາບ 4 ຊ່ອງຂຶ້ນໄປໄດ້. ພ້ອມກັນນັ້ນ, ປະຊາຊົນໃນເຂດຊົນນະບົດທົ່ວໄປ ຮັບຟັງລາຍການວິທະຍຸ ແລະ ຮັບເບິ່ງລາຍການໂທລະພາບ ຂອງສູນກາງແລະຂອງແຂວງນັ້ນ ຈະໄດ້ຮັບການປົວແປງໃຫ້ດີກວ່າເກົ່າ.
ນັບແຕ່ປີ 1998 ເປັນຕົ້ນມາ, ເພື່ອແກ້ໄຂບັນຫາອັນພົ້ນເດັ່ນ ຄື ບາງເຂດຊົນນະບົດ ຮັບຟັງລາຍການວິທະຍຸ ແລະຮັບເບິ່ງລາຍການໂທລະພາບບໍ່ໄດ້, ຄະນະກຳມະການການພັດທະນາແລະການປະຕິຮູບແຫ່ງລັດຈີນ ກະຊວງການເງິນຈີນ ແລະກົມໃຫຍ່ວິທະຍຸຮູບເງົາໂທລະພາບແຫ່ງຊາດຈີນ ໄດ້ຮ່ວມກັນຈັດຕັ້ງປະຕິບັດໂຄງການຮັບສັນຍານວິທະຍຸແລະໂທລະພາບຢູ່ທຸກໆບ້ານ.
|
