|
CPI ຂອງຈີນໃນເດືອນກັນຍາເພີ່ມຂຶ້ນຫລາຍກວ່າໄລຍະດຽວກັນຂອງປີກາຍ 6,2%
cri
ຕາມຂ່າວ CRI:ວັນທີ 18 ຕຸລານີ້ຢູ່ປັກກິ່ງ, ທ່ານຈູ່ຈື່ຊິ່ນ ຮອງຫົວຫນ້າຄະນະກຳມະການພັດທະນາແລະການປະຕິຮູບແຫ່ງລັດຈີນເຜີຍໃຫ້ຮູ້ວ່າ,ເດືອນກັນຍາປີນີ້, ຕົວເລກດັດຊະນີລາຄາບໍລິໂພກຂອງພົນລະເມືອງຈີນຫລື CPI ເພີ່ມຂຶ້ນຫລາຍກວ່າໄລຍະດຽວກັນຂອງປີກາຍ 6,2%, ຕ່ຳກວ່າເດືອນສິງຫາປີນີ້ 0,3%.
ໃນກອງປະຊຸມຂ່າວທີ່ຈັດຂຶ້ນຢູ່ສູນຂ່າວກອງປະຊຸມໃຫຍ່ຄັ້ງທີ 17 ຂອງພັກກອມມູນິດຈີນທີ່ຈັດຂຶ້ນມື້ດຽວກັນ, ທ່ານຈູ່ຈື່ຊິ່ນກ່າວວ່າ, ລາຄາສິນຄ້າຂອງຈີນສູງຂຶ້ນໃນເທື່ອນີ້ສຳຄັນແມ່ນຍ້ອນລາຄາຂອງຜະລິດຕະພັນກະສິກຳໂດຍສະເພາະແມ່ນລາຄາເຂົ້າຖີບສູງຂຶ້ນຢ່າງຫລວງຫລາຍ,ແຕ່ລາຄາສິນຄ້າທັງຫມົດຖີບສູງຂຶ້ນຢ່າງຫລວງຫລາຍຕໍ່ໄປແມ່ນເປັນໄປບໍ່ໄດ້.
ທ່ານຈູ່ຈື່ຊິ່ນກ່າວວ່າ, ຈີນຈະປະຕິບັດນະໂຍບາຍເງິນຕືງຢ່າງເຫມາະສົມ,ສະກັດກັ້ນບໍ່ໃຫ້ການລົງທຶນໃນຊັບສິນຄົງເພີ່ມຂຶ້ນໄວໂພດ,ສະຫນັບ ສະຫນູນການພັດທະນາຜະລິດຕະພັນກະສິກຳທີ່ກ່ຽວຂ້ອງ,ຄວບຄຸມໂຄງການປັບລາຄ້າສິນຄ້າຂອງລັດຖະບານ,ເພີ່ມທະວີການຕິດຕາມຄຸ້ມຄອງຕະຫລາດ,ແລະໃຫ້ຄ່າອຸດຫນູນອັນຈຳເປັນແກ່ຜູ່ມີລາຍໄດ້ຕ່ຳ, ປົກປັກຮັກສາຄວາມຫມັ້ນຄົງຂອງຕະຫລາດແລະທົ່ວສັງຄົມ.
|
|
