|
|
 |
| (GMT+08:00)
2007-10-18 18:38:56
|
 |
|
ຝ່າຍຈີນຫວັງໃຫ້ຝ່າຍຕ່າງໆສືບຕໍ່ເກາະແຂນກັນຊຸກຍູ້ຂະບວນວິວັດການເຈລະຈາຫົກຝ່າຍ
cri
ຕາມຂ່າວ CRI: ໃນກອງປະຊຸມຂ່າວທີ່ຈັດຂຶ້ນເປັນປະຈຳໃນວັນທີ 18 ຕຸລານີ້ ທ່ານລິວຈ້ຽນຊາວ ໂຄສົກກະຊວງການຕ່າງປະເທດຈີນກ່າວວ່າ,ຝ່າຍ ຈີນຫວັງໃຫ້ຝ່າຍຕ່າງໆສືບຕໍ່ເກາະແຂນກັນທຳຄວາມພະຍາຍາມ, ພ້ອມກັນຊຸກຍູ້ຂະບວນວິວັດຂອງການເຈລະຈາຫົກຝ່າຍ.
ທ່ານລິວຈ້ຽນຊາວກ່າວວ່າ, ຫລັງຈາກກອງປະຊຸມໄລຍະທີສອງຂອງການເຈລະຈາຫົກຝ່າຍຮອບ 6,ແລະອີງຕາມຄວາມເປັນເອກະສັນຂອງຫົກຝ່າຍໄດ້ໃຊ້ມາດຕະການຕໍ່ໄປຄື, ວັນທີ 11 ຕຸລານີ້ ຫນ່ວຍຊ່ຽວຊານບັນຫານິວເຄຼຍຂອງຝ່າຍອາເມລິກາໄດ້ເດີນທາງໄປສາທາລະນະລັດປະຊາຊົນປະຊາທິປະໄຕເກົາຫລີ, ທຳການກະກຽມເພື່ອດຳເນີນວຽກງານເຮັດໃຫ້ສິ່ງກໍ່ສ້າງນິວເຄຼຍເສື່ອມສະມັດຖະພາບ.ຫນ່ວຍຊ່ຽວຊານໄດ້ສິ້ນສຸດວຽກງານຢູ່ສາທາລະນະລັດປະຊາຊົນປະຊາທິປະໄຕເກົາຫລີໃນວັນທີ 18 ຕຸລາ.ເຈົ້າຫນ້າທີ່ຈີນແລະອາເມລິກາມີແຜນການຈະຕິດຕໍ່ກັນໃນຕອນບ່າຍວັນທີ 18 ນີ້.
ທ່ານລີວຈ້ຽນຊາວກ່າວວ່າ, ຫນ່ວຍງານຮ່ວມມືດ້ານເສດຖະກິດແລະພະລັງງານກັບສາທາລະນະລັດປະຊາຊົນປະຊາທິປະໄຕເກົາຫລີກໍ່ຈະຈັດປະຊຸມກັນໃນໄວໆນີ້,ຄົ້ນຄວ້າບັນຫາກ່ຽວກັບການຜັນຂະຫຍາຍກິດຈະກຳໄລຍະທີສອງຂອງຖະແຫລງການຮ່ວມ.ຝ່າຍຈີນຮູ້ສຶກປິຕິຍິນດີທີ່ໄດ້ເຫັນຄວາມພະຍາຍາມຂອງຝ່າຍຕ່າງໆເພື່ອແກ້ໄຂບັນຫານິວເຄຼຍຂອງແຫລມເກົາຫລີມີການຄືບຫນ້າ,ຫວັງໃຫ້ທຸກຝ່າຍພະຍາຍາມຕໍ່ໄປ,ພ້ອມກັນຊຸກຍູ້ຂະບວນວິວັດການເຈລະຈາຫົກຝ່າຍ.
|
|
|
